خالد عليش يشكو من طليقته: مش عارف هرجع أشوف بنتي تاني امتى؟.. حسبي الله
أعرب الإعلامي خالد عليش عن استيائه الشديد بسبب عدم تمكنه من رؤية ابنته، موضحًا أن طليقته ميما الشامي لم تدعه يرى ابنته بعدما وافق على الشروط التي وضعتها.
وكتب خالد عليش، عبر ستوري حسابه الشخصي بموقع تبادل الصور والفيديوهات انستجرام: للأسف بعد ما شوفتها كذا أسبوع ورا بعض بمجموعة اشتراطات، رجعنا الحنفية تتقفل تاني ومش عارف هرجع أشوفها تاني إمتى؟.. حسبي الله ونعم الوكيل.
خلافات خالد عليش وطليقته
ونشبت العديد من الخلافات بين الإعلامي خالد عليش وطليقته ميما الشامي، بسبب عدم تمكنه من رؤية ابنته، الأمر الذي جعله يلجأ للقضاء، حيث قال عليش في تصريحات خاصة لـ القاهرة 24: أنا طلبي شرعي وبسيط أشوف بنتي بشكل إنساني وافسحها واخرجها وأسفرها وأعيش دوري كأب.. مكنتش عارف أشوفها بشكل منظم فاضطريت إني ألجأ للقضاء اللي أداني رؤية 6 ساعات في مركز شباب أتحايلت إنه ما يتنفذش وأشوف البنت بالود منفعش روحت مرتين ثلاثة ومقدرتش استحمل لا أنا ولا البنت.. طيب اعمل إيه ما أنا بقول الود اهو.. أنا مش عارف بتعاقب ليه وعلي إيه.
وتابع خالد عليش: أنا آسف إني رفعت قضية لازم أفضل مذلول عشان أشوف بنتي اللي هي حقي، الموضوع لا محتاج ناس تتشهر على قفايا ولا تصريحات.. الموضوع يخلص في قعدة.. واللي خلاني لجأت إني أكتب ده واللي قبله إني مش لاقي حل ودي ولا حد يتدخل بالرغم أن بقالي سنتين بيتقال عني كلام مش حقيقي، مع إني بدفع اللي مطلوب مني وكله تمام بس مكنش هاممني أرد باللي بيتعمل دلوقتي شوية وهابطل أرد وأسيب اللي يقول يقول.
