محترم ومتواضع.. السوشيال ميديا تتفاعل وتشيد بحديث أحمد العوضي عن أسباب تدشينه مسابقة بجوائز مالية
تفاعل رواد موقع التواصل الاجتماعي مع حديث الفنان أحمد العوضي، خلال لقائه في برنامج حبر سري على قناة القاهرة والناس، والذي كشف فيه عن أسباب إعلانه عن مسابقة بجائزة مالية لجمهوره، في خطوة أثارت حالة واسعة من الاحتفاء بعد الإعلان عنها.
وسألت مقدمة البرنامج العوضي عن التعليقات التي انتقدت المسابقة، ليرد قائلًا: مشوفتش التعليقات دي، أنا شوفت اخواتي اللي بتكلم معاهم.. أنا النهاردة بتكلم بمنطق ليه الناس بتصدقني عشان بتكلم من قلبي مش بدعي ومش بستحضر كلام أقوله.. اللي خلاني نجم محبوب الناس أنا بعمل مسلسل بينجح عشان الناس.. أنت ولا حاجة من غير الناس.
وعن فكرة المسابقة قال العوضي: لما كنت بعمل الكوماندة نزلت صورة في يخت، وواحد كتب تعليق القاهرة 24 نزلته بالمناسبة، وقال إحنا بنتفرج على المسلسل وأنت قاعد في يخت وبتاخد فلوس المشاهدات، ظاهر الكلام غلط بس باطنه صح هو عنده حق.
وتابع: هو بيتفرج عليا فعلا بيخلص الباقة على عوضي، إنا إديته إيه مشهد حلو مش كفاية، الفكرة جاتلي من هنا.. قلت أرضي اخواتي ومقلتش أرضي جمهوري.
وحول علاقة المسابقة بالتريند قال العوضي: اللي عاوز يقول تريند يقول أصلًا التريند إيه.. هل أنا صدرتلك فعل وحش ولا حلو كفاية نظرة 11 واحد فازوا في المسابقة ممكن أكون ساهمت في حل مشكلة ما عنده، أنا مش عايز أكتر من كده، وبعامل ربي مش بعامل بني آدمين.
وحول استمرار المسابقة أضاف: هعمل المسابقة دي كتير بعد كل شغل، حتى لو إعلان أو برنامج، لأنه شريك في فلوسي بحبه لعوضي.
حديث العوضي أثار حالة واسعة من التفاعل من جانب الجمهور، الذي احتفى بتلك التصريحات مشيدًا بالعوضي باعتباره نموذجًا لما يجب أن يكون عليه الفنان القريب من الجمهور.
فمن بين التعليقات التي جاءت على حديث العوضي يقول أحد المستخدمين: أنت رجل محترم والله يسعدك ويبارك فيك جزاك الله كل الخير كمل ياريت كل الناس يعملوا زيك ما يكون أحد محتاج وله فقير توكل على الله.. انت رجل محترم والله يسعدك ويبارك فيك جزاك الله كل الخير كمل ياريت كل الناس يعملوا زيك ما يكون أحد محتاج وله فقير توكل على الله.
وذكر آخر: ده فنان محترم جدا وحاسس بالناس اوى بيحاول يساعدهم على قد مايقدر ياريت كل الفنانين يعملوا زيه كدا.. الله يباركلك فى حالك ومالك وصحتك وعافيتك انت انسان قبل ماتكون فنان محبوب ف كل حلاتك راجل بمعنى الكلمة.
وكتب ثالث: سيبك من الحاقدين أنت ابن أصول وحاسس بالناس ونفسك تفرحهم احنا حاسين باللي في قلبك واللي بتعمله وتفرح بيه غيرك باذن الله ربنا يسعدك ويزيدك من نعيم الله يا خلوق ياطيب..أنا بالنسبة لي الممثل أحمد ده من الناس المحترمه الناس الجدعه والناس اللي شفتها في تمثيلها ممثل جدع ومحترم.
وقال آخر: الرجولة والإنسانية في أبهي صورها كل الاحترام ليك ياعوضي وانت مثال يحترم للفنان اللي بيحترم جمهوره.. مفيش تعليقات سلبية أبدا كلنا بنحبه وبنحترمه وبنخاف عليه هو ومراته وهو كان بيراضي الناس ربنا يراضيه.
