سعد الصغير يعلق على انفصال بوسي وهشام ربيع: واخداه عشان فلوسه
علق الفنان سعد الصغير، على طلاق المطربة بوسي من رجل الأعمال هشام ربيع بعد عام ونصف من الزواج، مشيرًا إلى أن هذه العلاقة كانت لا بد أن تنتهي لأنها مبنية على أساس خاطئ.
سعد الصغير: هشام ربيع كان لازم يطلق بوسي لأنها مكنتش بتحبه
قال سعد الصغير في تصريحات لـ القاهرة 24: هشام ربيع كان لازم يطلق بوسي عشان هي كانت وخداه عشان فلوسه، هي لحقت تحبه أمته بدليل الألفاظ اللي قلتها يوم فرحها هي لو بتحبه كانت قالت عليا الطلاق أبوظ الجوازة دي، ده يدل أن مفيش حب.
تابع سعد الصغير: اللي مقوي قلب بوسي الفلوس لكن لو ليها كبير كانت عرفت أن اللي بتعمله غلط، لما هشام دخل السجن، بوسي مكنتش بتزوره عشان عليها قضايا وممنوعة من السفر، والطلاق ده تم غضب من ربنا وذنب أبوها.. لو كانت عاشت مع هشام ربيع كانت هتبقى مليارديرة.
سعد الصغير يطالب بوسي بدفع 200 ألف جنيه
وسبق وطالب سعد الصغير المطربة بوسي، بدفع 200 ألف جنيه تعويضًا عن الأدوات المنزلية التي أخذتها من الشقة التي كان يسكن فيها والدها قبل وفاته، مؤكدا أنه ليس لها الحق في أخذ مستلزمات الشقة لأنها ليست ملكًا لها.
قال سعد الصغير: كنت جايب طلبات لأبوها ومفروشات بـ 200 ألف وبعد وفاته أخدت بوسي الشقة بما فيها لأن الشقة كانت ملكها، وقالت لأخواتها دفعت الفلوس لسعد الصغير وأنا مخدتش ولا مليم.
أضاف سعد الصغير: أنا بطالب بوسي إنها تتبرع بالفلوس بتاعتي لأهالي غزة، أو تبعت لي فلوسي على الرغم من أن أهالي غزة عندهم كرامة مش هياخدوا حاجة حد نام عليها، ولكن ممكن نبيع المفروشات دي ونتبرع بفلوسها أو نجيب حاجة جديدة وأنا أكمل معنديش مشكلة.
