نجوى إبراهيم لـ منتقديها: سني 80 سنة وعندي سرطانات وهموت قريب.. عايزيني أعتزل؟
ردت الإعلامية نجوى إبراهيم، على منتقديها على مواقع التواصل الاجتماعي، موجهة لهم رسالة مؤثرة، موضحة إنها تعاني من السرطان وأجرت عدد كبير من العمليات الجراحية.
وقالت نجوى إبراهيم، في برنامجها بيت العز، عبر إذاعة نجوم FM: أنا أول مرة أقرأ كومنتات كتير جدًا على حاجة نزلت، يا نهار أبيض على اللي اتقال، ما تروحوا يا جماعة تتعالجوا.. إنتوا عايزيني أعتزل؟ ما ضروري الواحد يعتزل هو هيقعد طول العمر يكلمكم؟ ممكن أعتزل الأسبوع اللي جاي لإني اتخنقت مش عمر آخر عمر الواحد ياخد ده كله بالراحة على نفسكم.
نجوى إبراهيم توجه رسالة لمنتقديها
وأردفت نجوى إبراهيم: الناس بتستكر على غيرها الابتسامة وليه لازم كل الناس اللي بتضحك يبقى عندها ملايين؟ ما تقولوا الحمد لله.. يا رب أبقى زيه وباسم الله ما شاء الله، ومن شر حاسد إذا حسد، انتو إيه اللي يريحكم أعتزل؟.
وأضافت نجوى إبراهيم: عندي 80 سنة وغلبانة وعيانة وعندي سرطانات وعاملة 7 آلاف عملية وهعتزل وهموت قريب، هدوا نفسكم والنبي، أنا مش جاية أربي عيالي أنا جاية فرحانة بيكم ومبسوطة وبتشرف بكلامي معاكي.. حبوا بعض شوية.
نجوى إبراهيم
وعلى جانب آخر، سبق أن شاركت الإعلامية نجوى إبراهيم، في الندوة التثقيفية لاحتفالية الذكرى الخمسين لانتصارات أكتوبر المجيدة، التي أُقيمت بحضور الرئيس عبد الفتاح السيسي.
