خلصت على أمي بسبب شيكارة سباخ.. أقوال ابنة ضحية خناقة سلايف بالبحيرة |تحقيقات
يستكمل القاهرة 24 نشر التحقيقات في القضية رقم 582 لـ سنة 2023 جنايات كوم حمادة، المتهمة فيها سيدة بالتعدي على زوجة شقيق زوجها -سلفتها- بالضرب وإصابتها بـ جلطة بالذراع اليمنى، والتسبب في دخولها العناية المركزة؛ ما أدى إلى وفاتها،(خناقة سلايف) حيث ننشر أقوال ابنة المجني عليها أمام جهات التحقيق.
التحقيقات في خناقة سلايف بالبحيرة
وقالت ابنة المجني عليها أمام جهات التحقيق: اسمي نورا. ا وأعمل ربة منزل
س: ما هي صلتك بالمتوفاة إلى رحمة مولاها آمال.ف؟
ج: والدتي
س: ما تفصيلات حدوث وفاة المتوفاة إلى رحمة مولاها سالفة الذكر؟
ج: اللي حصل إن المتوفية إلى رحمة مولاها آمال فتح الله مصطفى الموافي تبقي والدتي والمشكو في حقها عيده السيد شعبان تبقى سلفة والدتي، واحنا قاعدين في بيت عيلة واحد ويوم الواقعة أنا لقيت شکایر سباخ مرمية على الأرض وفيه ماية في الحوش وكانت المشكو في حقها في البلكونة فبعاتبها على شكاير الصباغ دي قالتلي أنا هنزل أضربك وفعلا نزلت ومسكت فيه وضربتني بالقلم علي وشي وعضتني من إيديا وصوت ووالدتي الله يرحمها صوتت ساعتها لما لقيتها بتعضني والناس اتلمت وحاشتها عني وفي وسط ده كانت والدتي معايا بتحوش عني راحت المشكو في حقها ضربت والدتي بالقلم على وشها وقامت زقاها على الأرض وقعدت تشتمها بألفاظ خارجة وأنا وأمي قالتلي انتي بتعملي فيه ده كل بعد العشرة اللي بينا وراحت واقعة على الأرض وأنا كلمت أختي هند حكيتلها التي حصل وجت من بيتها وحاولنا تسعف والدتي بس هي كانت فاقدة النطق خالص ومفيش أي استجابة فحينا عربية ملاكي وطلعنا بيها مستوصف الخيري في بدر وهناك حاولوا يسعفوها مفيش فايدة وقالولنا اطلعوا شبين الكوم علطول وروحنا بيها على مستشفى شبين الكوم، واتحجزت هناك لإن كان عندها نزيف في المخ وفضلت هناك لحد ما حصلت الوفاة يوم الأحد الموافق 22/ 1/ 2023.
