وليد فواز: معتمد في "مسلسل بدون ذكر أسماء" جسد شخصية أحد شيوخ الدعوة السلفية
تحدث الفنان وليد فواز، عن دوره في مسلسل بدون ذكر أسماء، بطولة الفنانة روبي، والذي عرض عام 2013، مؤكدًا أنه جسد شخصية أحد شيوخ الدعوة السلفية، معربًا عن سعادته الكبيرة بالعمل مع المؤلف وحيد حامد.
وليد فواز: شغلي مع وحيد حامد في السي في بتاعي للابد
وقال وليد فواز في ندوته بالقاهرة 24، إن شخصية معتمد والتي قدمها في مسلسل بدون ذكر أسماء، شخصية حقيقة ومازالت على قيد الحياة حتى وقتًا هذا، موضحًا: شخصية معتمد دي ليها مرجع في الحقيقة في شخصية كده هي شخصية عايشه دلوقتي وشهيرة جدا في المجال الدعوي وأحد شيوخ الدعوى السلفية ووحيد حامد كان فليسوف وكان عنده استشراقات.
وأضاف وليد فواز: شوفت ناس كتير جدا من التيار الاسلامي، معتمد ده افراز لكل اللي أنا شوفته مع الناس دي مع توجيه المخرج تامر محسن طلع معتمد اللي الناس شافته، رجعت في كل مشهد لوحيد حامد وجالي في حلقة كلمني وقالي أنا فخور بيك ومكنتش أعرف أنك جامد كده.. الجملة دي مخليني أكمل لغاية دلوقتي.
وأردف وليد فواز: شغلي مع وحيد حامد في السي في بتاعي للابد.. وتامر محسن ليه فضل كبير عليا جدا وشاور عليا بالعمل ده وأني شخص مختلف.
آخر أعمال وليد فواز
وشارك الفنان وليد فواز، في مسلسل صوت وصورة بطولة الفنانة حنان مطاوع، وعرضت أخر حلقات العمل أول أمس الثلاثاء 21 نوفمبر 2023، وشارك في كلًا من: أحمد ماجد، صدقي صخر، مراد مكرم، وغيرهم.
