حمو بيكا يعتذر للجمهور عن طرح 3 أغان مع علي قدورة: اتسجلت قبل الاعتزال
اعتذر مؤدي المهرجانات حمو بيكا لكل جمهوره ومتابعيه بسبب اعتزامه طرح أغانٍ جديدة خلال الأيام المقبلة، يتعاون فيها مع مؤدي المهرجانات المعتزل علي قدورة، مؤكدًا أنه يحترم قرار الأخير، وأن هذه الأغاني الأخيرة له مع المغني المعتزل.
حمو بيكا يعتذر للجمهور بشأن طرح أغاني لـ علي قدورة رغم اعتزاله
ونشر حمو بيكا، عبر خاصية استوري على حسابه الشخصي على موقع تبادل الصور والفيديوهات انستجرام، بوستر أغنيته الجديدة مع علي قدورة، مؤكدًا أن هذه الأغاني تم تسجيلها قبل اعتزال الأخير، إذ كتب: احنا بنقدم اعتذار رسمي لكم جميعًا على أن فاضل 3 أغاني تم تسجيلها قبل اعتزال علي قدورة، والأغاني دي هتنزل الأيام القادمة، ومن بعدها مش هيكون فيه أي أغاني تانية لـ على قدورة خالص ومع احترامي الكامل لقراره بشأن الاعتزال وربنا يثبته يارب.
اعتزال علي قدورة
وكان مؤدي المهرجانات علي قدورة، أعلن اعتزاله الفن نهائيًا، مؤكدًا أنه سيبدأ من مرحلة الصفر مرة أخرى، وذلك من خلال نشره منشور عبر حسابه الشخصي على موقع الفيس بوك، كتب عليه: السلام عليكم في يوم جمعة مبارك.. أنا علي عبد القادر السيد، الشهير بـ علي قدورة، كنت مغني قبل النهاردة، في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي.
وتابع: أنا بريء من كل عمل أو مزيكا عملتها في حياتي وبعلن اعتزالي مجال الأغاني لحد ما يفتكرني ربنا، ويارب سامحني عن أي حاجة أنا عملتها في حياتي أو أي حاجة صدرت مني.
وأضاف: يارب قربني ليك وافتحلي باب رزق يرضيك، ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي، ومش عارف هيبقي الصح إيه وهبقي لا امتلك إلا صفر، وربنا يثبتني في الطريق ده ومش هطول عليكم بس دي نيتي، وربنا كريم وكبير وغفور رحيم.
