أبرز أقوال المتهمة هبة السيد أمام جهات التحقيقات تزامنًا مع انعقاد جلسة محاكمتها بتهمة الإتجار بالبشر بعد قليل
تنظر الدائرة الأولى جنايات الإرهاب والتجار بالبشر بمجمع محاكم وادي النطرون، بعد قليل جلسة محاكمة البلوجر هبة السيد المعروفة إعلاميًا بـ أم زياد، وذلك بتهمة الإتجار بالبشر.
أمر إحالة البلوجر هبة سيد الشهيرة بأم زياد
وأما عن التهم التي وجهتها جهات التحقيقات فقد جاء في أمر الإحالة، أن البلوجر هبة سيد ارتكبت جريمة الإتجار بالبشر بأن تعاملت في أشخاص طبيعيين أبنائها وهم المجني عليهم “هبة. ح، زياد. ح، إيلين. ح حبيبة ح”، بأن استخدمتهم بإظهارهم في مقاطع مرئية نشرتها عبر حساباتها بمواقع للتواصل الاجتماعي من أجل رفع نسب مشاهدتها للحصول من إدارات تلك المواقع على أرباح زائدة نظير تلك المشاهدات، حال كونها من أصول المجني عليهم، وهم أطفال لم تتجاوز أعمارهم الثامنة عشر عاما على النحو المبين.
وأكد أن البلوجر هبة السيد عرضت أطفالها للخطر بأن أوجدت الأطفال المبينة أسمائهم في بندي الاتهام السابقين في حالة تحدد سلامة تنشئتهم الواجب توافرها لهم بأن عرضت أخلاقهم للخطر، وعرضتهم داخل الأسرة للاستغلال التجاري، وقد وقعت تلك الجريمة من بالغة على أطفال وارتكبتها والدتهم على النحو المبين بالتحقيقات.
التحقيقات في قضية البلوجر هبة السيد
وكشف وجهت جهات التحقيق إلى المتهمة هبه السيد تهمة الاتجار بالبشر بتعاملها في أشخاص طبيعيين هم أطفالها، حيث ظهرت في مادة على مواقع التواصل الاجتماعي تحت عنوان: مسكت ابني مع أخته في أوضة النوم بيعاشرها.
وجاء نص التحقيقات كما يلي:-
س: ما ظروف ضبطك وعرضك على النيابة العامة؟
ج: اللي حصل أني كنت نايمة في بيتي اللي في شارع الأمير، والأمن جابني على قسم الخصوص وبعد كده النيابة العامة.
س: ومتى كان ذلك تحديدًا؟
ج الكلام ده حصل فجر يوم الخميس اللي فات الموافق 2023/5/4.
س: ومن أين تم ضبطكِ؟
ج: أنا اتمسكت من بيتي اللي في شارع الأمير بعد موقف التكاتك - الخصوص.
س: وما كيفية إدارتك لحسابك بالقناة الجديدة وحساب تيك توك؟
ج: أنا اتفرجت على فيديو على اليوتيوب ازاي أعمل إيميل وجبت ورقة وقلم ومشيت مع الخطوات وكتبتها ودخلت على الجيميل Gmail وعملت حساب عليه وبعدها اتفرجت على فيديو على اليوتيوب بعد ما علمت بحث عن كيف أنشئ قناة، ومشيت مع الخطوات وصورت بطاقتي في خانة إثبات الهوية اللى على اليوتيوب بالكاميرا، وعملت القناة يوميات أم زياد وهبة، وكنت بتعلم لسه على القناة دى ومكنش عليها متابعين كتير هما حوالى 15 ألف متابع، وبالنسبة لبرنامج التيك توك محمد ابني هو اللي عملهولي في الأول هو اللي كان بيديره لحد ما اتعلمت أحوّل الهدايا لرصيد إزاي وينزلي على حساب ال باي بال، وأصرفهم من أي مكنة بنك بس لو الحساب اللى على موبايلى خرج معرفش أدخل عليه تاني لأن ابنى محمد هو اللى عارف البريد الإلكتروني اللي مربوط بيه والرقم السري.
س: وإلى أين تم اقتيادكِ؟
ج هما خدونى على قسم الخصوص.
س: من يُدير الحسابات المرتبطة به؟
ج: محمد ابني هو اللي بيدير الحسابات دي ماعدا قناة أنا عملتها جديد على اليوتيوب اسمها يوميات أم زياد وهبة أنا اللي بديرها بس أنا لسه عملاها وبالنسبة لحساب التيك توك بتاعي أنا اللي بديره.
س: ومن الناشر عبر تلك الحسابات؟
ج: محمد هو اللي كان بينشر الفيديوهات اللي على الحسابات بتاعتي ماعدا حواليأربع أو خمس فيديوهات أنا اللي نزلتهم ودا بالنسبة للفيس بوك واليوتيوب والخاصة بالقناة القديمة، والتيك توك من ساعة ما الحساب اتعمل وأنا اللي بديره وبنزل عليه الفيديوهات، أما بالنسبة للقناة الجديدة اللي أنا عملتها على اليوتيوب يوميات أم زياد وهبه أنا اللي كنت بنشر الفيديوهات بتاعتها على القناة.
س: قررت لنا الآن بالتحقيقات وسلفا بجلسة الاستجواب الأولى بوقوفك على هتك عرض ابنك محمد عرض ابنتك حبيبة فمتى اكتشفت تلك الواقعة؟.
ج: من حوالي سنة ونص أو سنتين قبل ما تطلق لما كنا عايشين في البيت القديم اللي في شارع عمر ابن الخطاب كنت نايمة على السرير وطليقي حمدي كان نايم في نفس الأوضة وقمت أشرب وأبص على العيال، ودخلت الأوضة بتاعتهم لقيت بنتي كانت نايمة على السرير ومحمد في وضع مخل.
س: ما مدى متابعتك لوسائل التواصل الاجتماعي؟
ج: أنا كنت بتابع قنوات اليوتيوب قبل ما أعمل قناة، وكنت معجبة جدًا بقناة البلوجر حمدي ووفاء، وأحمد حسن وزينب وقناة شاور وقنوات الطبخ بس مش فاكرة أساميهم ايه.
س: وما بادرة عملك بنشر المقاطع على حساباتك؟
ج: أنا لما كنت بتابع القنوات اللي أنا قولت عليها واللي موجودة على اليوتيوب، ومحمد ابنى قالي أن القنوات دي بتكسب فلوس كتير، وقالي أن اللي بيقدموا محتوى القنوات دول يسافروا دبي وأمريكا وبيبقوا أغنياء جدا اللي شجعني فكرة أني أعمل قناة على اليوتيوب وحساب تجاري على فيس بوك وأنشر يومياتي وانا بطبخ، وبعد كدة لقيت ان الناس بيتابعوا أكثر القنوات اللي فيها يوميات عائلية، فقررت أني أظهر أولادي في القناة عشان المتابعات تزيد والقناة تتشهر وتحقق ربح.
كما وجهة لها جهات التحقيق سؤال عن الأدوات التي قامت باستخدامها لإنشاء تلك الحسابات؟، أجابت: ابني محمد عمل الحسابات بتاعتي من تليفون سامسونج كان طليقي جايبه وقعدنا نستخدمه من سنة إلى سنة ونص، وبعدها اشترينا لاب توب لما التليفون ابتدى يبوظ مننا، وده كان من حوالي سنة ونص واللاب توب كان نوعه لينوفو واستخدمنا كمبيوتر ودا كان محمد بيعمل عليه المونتاج بس هو باظ ولما تطلقت مخدتوش من البيت القديم.
وبسؤال البلوجر هبة السيد بالتحقيقات عن أسماء تلك الحسابات، أجابت قائلة: حساب الفيسبوك “الصفحة التجارية” باسم هبة سيد cheba sayde، وقناة اليوتيوب اسمها أم زياد وهبة، وحساب التيك توك والإنستجرام كانوا باسم هبة سيد وفيه حساب كنت عملاه على قناة اليوتيوب، وده حساب جديد عملته من أسبوعين بس مش فاكرة يوم إيه بالضبط والحساب ده أنا اللي أنشأته اسمه يوميات أم زياد وهبة، ودا اللي نزلت عليه الفيديو اللي أنا تكلمت فيه عن عيالي واللي كان بعنوان انصدمت لما شوفت ابني مع بنتي في سرير واحد في وضع غلط.
واستكملت هبة السيد بالتحقيقات: الفيديو ده أنا نزلته ونشرته الأول على قناتي القديمة بتاعت اليوتيوب اللي باسم قناة أم زياد وهبة ونزلته بعدها على حسابي التجاري بتاع الفيسبوك اللي أنا لسه قايله اسمه، وآخر حاجة نزلته على قناتي الصغيرة بتاعت اليوتيوب يوميات أم زياد وهبة واتحظر من القناة عشان تقريبا إدارة اليوتيوب افتكروه مش بتاعي عشان كنت الأول منزلاه على القناة القديمة بتاعت اليوتيوب وبتاعة فيسبوك.
