رانيا يوسف: أعتقد أني مش هتحجب في يوم من الأيام.. ومتصالحة مع فكرة الموت وليه نخاف من ربنا؟
تحدثت الفنانة رانيا يوسف عن الحجاب، وعلقت على الهجوم الذي طالها بسبب تصريحاتها السابقة عنه والموت وشائعات إلحادها.
وقالت رانيا يوسف في تصريحات تلفزيونية: أنا مبحبش أحكم على حد من طريقة لبسه، الطرحة لا هتقلل مني ولا هتزودني الواحد بيتحجب بأفكاره ومعتقداته وده رأي الشخصي ووالدتي وجدتي مش محجبين، وأعرف ناس كبار في السن مش لابسين الحجاب.. مش بيتهيألي إني اتحجب في يوم من الأيام دي مش من أفكاري خالص، أنا مش هدخل في قصة الحجاب فرض ولا لأ أنا مش هفتي ومبتكلمش في الدين ولا في السياسة، أنا ليا حالي وحال بناتي.
وتابعت رانيا يوسف: أنا متصالحة مع فكرة الموت، وليه ارتباطنا بـ ربنا مرتبط بالخوف، هو أنا مينفعش أحبه من غير ما أخاف وأخاف ليه؟ ده ربنا اسمه الرحمن الرحيم ومفيش أرحم منه على البشر إحنا منه وراجعين له، ليه لازم العذاب والخوف؟ ومعنديش فكرة الإلحاد أبدًا.
رانيا يوسف عن مشاهد القبلات مع هاني سلامة في فيلم واحد صحيح: مش عاجبك متتفرجش
كما علقت الفنانة رانيا يوسف، على انتقادات مشاهد القبلات مع الفنان هاني سلامة في فيلم واحد صحيح، قائلة: إحنا اتربينا على أفلام الأبيض والأسود وعلى المشاهد دي، أنت مش عاجبك الفيلم متتفرجش عليه، والناس بتستفز من المشاهد دي بسبب عقليتها ومعتقداتهم، وأنا مش بتحدى المجتمع المصري خالص أنا بعمل اللي يريحني، وأنا بأمن بالحرية الشخصية اللي مبتأذيش حد.
