الإعلامية نورين شحاتة: أي ست لازم تكون مستقلة تمامًا لأنها نص المجتمع
أوضحت الإعلامية نورين شحاتة، أنه لا بد أن تكون المرأة مستقلة من جميع الجوانب سواء في آرائها المختلفة وحياتها، مشيرة إلى أن فكرة الزواج وُلدت كي يكملوا بعض سويًا.
وقالت نورين شحاتة خلال تقديمها برنامجها البيه والهانم: أي ست لازم تكون مستقلة من جميع الجوانب سواء رأيًا أو ماديًا في حياتها ويكون ليها وضعها، دي هي نص المجتمع يا جماعة.
وتابعت نورين شحاتة: الراجل راجل والست ست واتخلقوا عشان يكملوا بعض، لكن لما الست متكونش مستقلة في حياتها يبقى الراجل يكون كده.
وفي سياق آخر، ناقشت نورين شحاتة فكرة نشر صور الرجال في المجموعات الخاصة بالسيدات في وقت سابق، عبر مواقع التواصل الاجتماعي، لمعرفة ما إذا كان مرتبطًا أم لا قبل الارتباط الرسمي به.
وقالت نورين شحاتة في مقدمة برنامجها البيه والهانم، الذي تقدمه مع الإعلامي ممدوح الشناوي، عبر شاشة قناة القاهرة والناس: أنا شايفة أن مفيهاش حاجة خالص لو البنت نزلت صورت اللي هترتبط بيه على جروبات البنات وخدت رأيهم، هو أنت خايف من حاجة؟، فيه بعض الرجالة بتخاف من الحاجات اللي بتعملها ومبتنشرهاش في العلن، لكن إحنا الستات بنحب نساند بعض وبننشر كل حاجة في الجروبات.
برنامج البيه والهانم
برنامج البيه والهانم، والتي تقدمه الإعلامية نورين شحاتة والإعلامي ممدوح الشناوي، يعد برنامجًا اجتماعيًا يناقش كل ما يخص المرأة والرجل، وخلال الحلقات سيتم استضافة مجموعة من نجوم الفن على مدار الحلقات، والبرنامج من إنتاج شركة ريكورد ميديا، ويعرض من الأحد حتى الأربعاء في الساعة السادسة مساء.
