ميدو: أول مرة في حياتي أشوف الأهلي من غير رأس حربة
انتقد أحمد حسام ميدو، نجم الكرة المصرية السابق، أداء صلاح محسن مهاجم الفريق الأول لكرة القدم بالنادي الأهلي بعد مستواه الفني في مواجهة سموحة في الدوري الممتاز.
تصريحات أحمد حسام ميدو
وقال ميدو في تصريحات تلفزيونية: اللاعب الوحيد اللي أقنعني من الأهلي أمام سموحة هو إمام عاشور، والأهلي بيلعب من غير رأس حربة المباراة، مع احترامي صلاح محسن مش رأس حربة وقرار رحيل محمد شريف وعودة صلاح محسن غريب.
وأضاف أحمد حسام ميدو: كهربا ممكن يتوقف في أي وقت، وأول مرة في حياتي أشوف الأهلي بيلعب من غير رأس حربة، وأعتقد إن دي أسهل مباراة لعبها سموحة من زمن، وهل موديست هو المهاجم الذي ينتظره الأهلي لإحداث الفارق في الـ 4 سنوات المقبلة؟.
ودعم أحمد حسام ميدو، خالد بيبو مدير الكرة في النادي الأهلي، مشددا أنه يتعرض لحملة مُمنهجة.
قال ميدو في تصريحاته: الأهلي معندهوش أي مشكلة في ملف مدير الكورة، وجمهور الأهلي حاسس بـ خالد بيبو وبالحملة الممنهجة اللي بيتعرض ليها.
واختتم: خالد بيبو لازم يكون عنده صلاحيات كاملة في أوضة اللبس عشان يقدر يشتغل بكل قوة، وجمهور الأهلي عارف إن خالد بيبو مظلوم وفي حملة عليه، عشان كده جمهور الأهلي دعمه.
