ياسمين صبري: طول ما الإنسان عايش لازم يطور نفسه زي الآيفون
أكدت الفنانة ياسمين صبري أنها تعمل على تطوير ذاتها باستمرار، موضحة أن الشخصية التي يراها الجمهور على السوشيال ميديا ليست شخصيتها الحقيقية.
وقالت ياسمين صبري،خلال جلستها الحوارية بمهرجان البحر الأحمر السينمائي الدولي: بكتشف حاجات كتير وطول ما الإنسان عايش لازم يطور من نفسه زي الآيفون كل شوية في تحديث، الإنسان لازم يعمل كده في نفسه علشان يعرف يواكب كل حاجة، ولازم تعمل تحديث نفسيًا لأن ممكن حد نجاحه يبقى أكبر من نفسيته.
وتابعت ياسمين صبري: من يومين كنت في أبو ظبي وكان حدث كبير وميديا وأضواء وناس، لما رجعت الأوتيل وأنا بغسل وشي قولت لنفسي يا ياسمين ده مش حقيقتي ده شغلي، قولت كده علشان الإنسان ميتجننش وميفتكرش أن هو محصلش وأن الكون كله بيلف حواليه.
وأضافت ياسمين صبري: أنا في الحقيقة إنسانة بسيطة جدًا وعادية وبيتوتية جدًا وهادية أوي، ولكن اللي بيظهر للناس دي شخصية الشغل ودي مش أنا.
أعمال ياسمين صبري الجديدة
ومن ناحية أخرى، تنتظر الفنانة ياسمين صبري، عبر أجدد أعمالها السينمائية أبو نسب، والذي عادت من خلاله للتعاون للمرة الثالثة مع الفنان محمد إمام، ومن المقرر طرحه بدور العرض السينمائي يوم 21 من شهر ديسمير الجاري.
وفيلم أبو نسب بطولة محمد إمام، ماجد الكدواني، ياسمين صبري، وفاء عامر، هالة فاخر، محمد ثروت، محمد لطفي وغيرهم من الفنانين، ومجموعة من ضيوف الشرف، والفيلم من تأليف أيمن وتار وإخراج رامى إمام.
