بسبب الأسعار والدولار.. رئيس شعبة الأجهزة الكهربائية: 40 سنة في المهنة مشوفتش اللي بيحصل حاليا
انتقد جورج سيدره رئيس شعبة الأجهزة الكهربائية بالجيزة، زيادة أسعار الأجهزة الكهربائية في السوق المصري، قائلا: بقالي في المهنة 40 سنة مشفتش اللى بيحصل الأيام دي، والدولار النهاردة نزل فهل الأسعار هتنزل؟!.
رئيس شعبة الأجهزة الكهربائية: العروض اللى جاية فى يناير عروض
وأضاف سيدره، خلال تصريحات تلفزيونية: الدولار لما بيعلى جنيه أو اتنين الدنيا بتتقلب تانى يوم وزيادات بتوصل لـ10%، وبعض الشركات طلبت مني دولارات كتاجر لكي أشتري منهم منتجهم، فطلبت من الشركات تسمحلنا نبيع بالدولار زي ما هما طلبوا نشتري منهم بالدولار.
وأوضح: العروض اللي جاية في يناير عروض وهمية لأنهم بيزودوا الأسعار حاليا بشكل مبالغ فيه لكي يعلنوا عن عروض وهمية في أول السنة الجديدة.
وفى سياق منفصل، قال جورج زكريا رئيس شعبة الأجهزة الكهربائية في الغرفة التجارية بالجيزة، إن الشركات العالمية للأجهزة الكهربائية لم تصرح حتى الآن بتقديم عروض الجمعة البيضاء على منتجاتها، وما يوجد في الأسواق حاليا من عروض على الأجهزة الكهربائية فهي عروض على الأجهزة الصينية والتركية فقط.
وأوضح زكريا، في تصريح خاص لـ القاهرة 24، أنه متوقع وجود نسبة خصم ولكنها ليست كبيرة لرغبة الشركات العالمية في التخلص من مخزون السلعة قبل دخول العام الجديد، وذلك من المقرر أن يكون في نهاية شهر نوفمبر وبداية شهر ديسمبر.
