نجلاء بدر عن مشاركة الانفلونسر بأعمال فنية: حاسة إن فيه حد أهدر حقي.. طب ما نقفل المعهد
علقت الفنانة نجلاء بدر على مشاركة رواد مواقع التواصل الاجتماعي في الأعمال الفنية، مستنكرةً عدم اتباع اللائحة الخاصة بتنظيم العمل.
وقالت نجلاء بدر خلال ندوتها في القاهرة 24: عشان اتقبل في نقابة المهن التمثيلية قعدت فترة طويلة أوي وقدمت ورقي وحضرت اختبارات، ليه اتفاجئ النهارده باللي بيحصل؟!
وأضافت: معنديش أي مشكلة مع أي حد في الدنيا عنده حرية الإبداع، بس نحترم قرارات النقابة، ديه بناءً على لائحة اللي حطها مجلس الشعب، ديه قوانين، وزي ما انا التزمت يبقى غيري يلتزم، أنا حاسة إن فيه حد أهدر حقي، أنا ليه تعبت؟! واللي درس في المعهد ليه درس؟! طب ما نقفل المعهد، إحن اكل سنة عندنا خريجين ومواهبهم مرعبة.
وتابعت نجلاء بدر: أنا بحب الفن ونحب اللي يحترمه، ديمًا بنقول على الفنان إنه مرآة المجتمع أو مثل أعلى في بعض الأحيان لناس، مش بتعترضوا على المادة الهابطة، ساعدونا نقدم مادة مش هابطة، لو عايزين نرتقي بالشعب لازم، ساعدونا نحارب المادة الهابطة وكل الخلل عشان نطلع بشعب مثقف وواعي.
وأردفت نجلاء بدر: النهادره الخلل اللي حصل ده بسبب عدم الالتزام باللائحة، وجيه لوم كتير على الفن والصحافة والإعلام إن فيه أخطاء، طب يلا نصلحهم، البيت كل يوم تدخلي مش نضيف، يلا ننضفه، والمطلوب الالتزام باللائحة، بيصعب عليا فيه فنانين خريجين المعهد وبيدرسوا وياخدوا دروس تمثيل ومفيش حاجة ليهم.
