حنان مطاوع تروي معاناتها مع سؤال مش هنفرح بيكي: اتبهدلت وكانوا بيقولولي إنتي زي القمر
تحدثت الفنانة حنان مطاوع عن الفنانين بشكل عام وأنهم قدوة للجمهور، وعن معاناتها بسؤال هنفرح بيكي امتى من المقربين والأصدقاء.
وقالت حنان مطاوع خلال حوارها مع القاهرة 24: الفنان نموذج وخطورة الفنان إنه يتحب، وممكن الفنان يبقي قدوة.
وأضافت: أنا مخدتش قرار الزواج وأنا ناضجة خدت القرار لما ربنا أراد في حاجات مرتبطة بـ اختياري وفي حاجات مرتبطة برزقي، وإني أتجوز مش بتاعتي وإني أخلف إمتى مش بتاعتي.
واستكملت حنان حديثها: ليه بنلوم البنت في حاجة مش بايديها، البنت تقدر تفرح أهلها بحاجات كتير بالأخلاق وأن هي تكون سعيدة.. ولما كانوا بيقولولي إنتي زي القمر هي الناس عميت كنت برد أقولهم لأ أنا اللي مفتحة.
آخر أعمال حنان مطاوع
يعد مسلسل صوت وصورة آخر أعمال حنان مطاوع، وعرض العمل خلال الفترة الماضية، وضم عددا كبيرا من النجوم أبرزهم: وليد فواز، صدقي صخر، فدوى عابد، نجلاء بدر، مراد مكرم، وعدد آخر من الفنانين، والمسلسل من تأليف محمد سليمان عبد المالك وإخراج محمود عبد التواب، وحقق العمل نجاحًا كبيرًا على مواقع التواصل الاجتماعي.
