نجلاء بدر: مش بحضّر للمشاهد قبلها.. وبعوّض الأمومة من خلال التمثيل وولاد أخواتي
كشفت الفنان نجلاء بدر كيفية تحضيرها لمشاهدها في الأعمال الفنية، مؤكدةً إنها تترك نفسها للشخصية لتقودها داخل المشهد، كما أشارت إلى إنها تعوض شعور الأمومة لديها من خلال التمثيل وأولاد أخواتها.
وقالت نجلاء بدر خلال ندوتها السابقة بـ القاهرة 24: مش بحضّر للمشاهد ودايما لما بكون متوترة بسيب الحوار هو اللي يحركني، ومش بفكر أنا هقولها إزاي، لأن ممكن أحضر هقولها بطريقة معينة، فألاقي المخرج أو الممثل اللي قدامي خد الأداء في حتة تانية فردودي هتبقى بعيدة عنهم.
وتابعت نجلاء بدر: فهي تركيبة بتيجي لوحدها مش مجرد تحضير، وكل الموضوع إني أسيب نفسي للشخصية وهي بتفرض نفسها عليا، وكنت بتسغرب جدا إني كل ما أجي أصور مشهد مع ولادي في مسلسل صوت وصورة، تون صوتي بيوطى مش عارفة أعلي صوتي، لأنهم نقطة ضعفها، ففرضت عليا إني صوتي معاهم يكون واطي.
وتطرقت نجلاء بدر للحديث عن الأمومة التي تعوضها من خلال التمثيل، قائلةً: بعوض الأمومة من خلال التمثيل ومع ولاد أخواتي أو مع أي طفل، وهي غريزة موجودة كدة كدة، ولما بدخل الدراما بتعايش أوي مع الشخصية، ودايما بتحصلي إن الأطفال اللي بيطلعوا أولادي في الأعمال الفنية لما بيشوفوني بيقولولي يا ماما.
مسلسل صوت وصورة
يعد مسلسل صوت وصورة آخر أعمال نجلاء بدر، الذي عرض منذ فترة، وشارك به كل من الفنانة حنان مطاوع، مراد مكرم، وليد فواز، وغيرهم، والعمل من تأليف محمد سليمان عبد المالك، وإخراج محمود عبد التواب.
