وليد فواز خلال الإدلاء بصوته في الانتخابات الرئاسية: عدم مشاركتك بيشمت فينا الأعادي
حرص الفنان وليد فواز، على الإدلاء بصوته في الانتخابات الرئاسية 2024، مشيرا إلى أن الانتخاب حق لكل مواطن، ولا بد من ممارسته.
وقال وليد فواز خلال لقائه مع القاهرة 24: أنا نازل النهاردة عشان أنا مواطن مصري قبل ما أكون فنان، وشايف إن الانتخابات هي التطور الطبيعي لأي تغير بيحصل، وإحنا دلوقتي في جمهورية جديدة، وبنقول يا جماعة البلد بتتغير، فالناس بتتغير برضه، وعشان ده يحصل لازم الناس تبقى عارفة قيمة صوتها.
وتابع وليد فواز: مش معنى كده إني بقول للناس تقول حاجة معينة، كل واحد يقول اللي هو عايزه، وأنا نازل النهاردة هختص بقراري لنفسي، وبقول للناس صوتك هيفرق جدا، وأقول للناس اللي مش هتنزل تنتخب، أنت قعدتك دي في حد ذاتها صدقني أنت اللي بتخسر، ولما بتنزل بتثبت للعالم إن البلد دي فيها ديمقراطية، وأنا نازل لأني حاسس إن صوتي له قيمة.
وليد فواز: أتمنى الرئيس القادم يوفرلنا الأمن والأمان
وأضاف وليد فواز: نفسي في الرئيس القادم يوفرلنا الأمن والأمان ده أهم شيء، لأن طبعا الفترة اللي إحنا فيها دلوقتي مشتعلة جدا، وربنا يرزقنا بالرئيس القادم اللي يقدر يطلع بينا لبر الأمان، وأقول للناس انزلوا شاركوا بصوتكم ونصبت إننا بلد متطورة وديمقراطية، وعدم نزولك بشمت فينا الأعادي وبقول للشباب لو بتحبونا أنزلوا انتخبوا ومش بنقولك حاجة معينة لأ ده قرارك.
مشاركة نجوم الفن في الانتخابات الرئاسية
وفي السياق ذاته، حرص عدد كبير من نجوم الفن على المشاركة في الانتخابات الرئاسية 2024، أبرزهم الفنانة لبلبة، حكيم، حسن شاكوش، محمود الليثي، وغيرهم.
