حب الناس نعمة.. بوسي بعد تكريمها في حفل جوائز وشوشة: بشكر كل اللي ساعدني على تخطي الصعب
كُرمت المطربة بوسي، كأفضل مطربة شعبية في حفل جوائز وشوشة 2023، مشيرة إلى أن والدتها السبب في هذا النجاح.
وقالت بوسي خلال كلمتها في حفل جوائز وشوشة: فيه حاجات كتير الواحد بيبقى فقدها، بس مبيعرفش يعبر عنها، كل اللي أقدر أقوله إني بحمد ربنا على كل خطوة وصلتلها، وبشكر كل واحد وقف معايا، ووصلني للي أنا فيه، وحب الناس أكبر نعمة من عند ربنا.
وتابعت بوسي: كفاية وجود ناس في ضهري بتشجعني على النجاح وبتساعدني على تخطي أي موقف صعب، وكفاية زملائي سواء مطربين أو ملحنين، هما السبب في نجاحي، وبشكر أمي إنها كانت سبب كبير في اللى وصلتله، وممتنة ليكم جدا.
وعلى جانب آخر، أعلن رجل الأعمال هشام ربيع، انفصاله رسميًا عن المطربة بوسي، بعد أيام من براءته من القضية الملفقة له، حسب ما أكدته تحقيقات النيابة.
طلاق بوسي
وحول طلاق بوسي، قال هشام ربيع خلال تصريحات لـ القاهرة 24، إنه تم الانفصال رسميًا بينه وبين بوسي، بسبب عدم وقوفها بجانبه في أزمة دخوله السجن.
وحول هذا الانفصال، أوضح هشام ربيع: حصل بالفعل الانفصال بيني وبين بوسي، وده بعد ما خلصتلها الموضوع بتاعها زي أي راجل مصري، وأي راجل مراته هتتعرض لابتزاز أكيد مش هيسكت، وأنا جبتلها حقها تالت ومتلت، وأي راجل مصري وحر مش هيسمح إن حد يبتز مراته.
هشام ربيع: بوسي موقفتش جنبي لما دخلت السجن
وتابع هشام ربيع، كاشفًا الأسباب التي أدت بهما إلى الانفصال، قائلًا: إحنا من ساعة ما اتجوزنا والدنيا مش لطيفة ومش حلوة، والمشكلة اللي حصلتلي كانت بسببها واللي اتأذوا فيها كانوا ولادي ووالدتهم، ومحدش وقف جنبي غير أم ولادي، وده اللي زعلني من بوسي، هي موقفتش جنبي خالص.
