المخرج ياسر سامي عن مشاركة البلوجرز بالأعمال الفنية: فكرة ناجحة.. ولازم النقابة تدعمهم
علق المخرج ياسر سامي على فكرة مشاركة رواد مواقع التواصل الاجتماعي في الأعمال الفنية، وذلك بعد مشاركة البلوجر محمد حلمي في فيلم بلوموندو من إخراجه وبطولة الفنان حسن الرداد.
وقال المخرج ياسر سامي خلال ندوته في القاهرة 24: أنا بدأت القصة من فترة قريبة ولقيتها ناجحة؛ لأن الناس محتاجة فرص، ومحمد حلمي كانت أول مرة يقف قدام كاميرا سينما، ولكن دلوقتي البلوجر طه الدسوقي بيعمل أفلام ومسلسلات عشان أخد فرص.
وأضاف ياسر سامي: محمد حلمي بيقف على مسرح وبيعمل ستاند أب كوميدي وله جمهور يعني يقدر يعمل مسرح، واللي يقدر يعمل مسرح يقدر يقف قدام كاميرا، ومحمد شارك بعد ما اتناقشت مع صناع العمل.
وأردف: وابتدينا نتطمن لما اتعامل هو في اللوكيشن، وكان الولد لطيف وعملت فيلم قبل كده وكان معايا طه وناس كتير ومحمود السيسي، والنقابة المفروض تدعمه مادام ما هو ناجح إلا لو كانت مجاملة أو مش مثقف أو مش لذيذ
أبطال فيلم بلوموندو
تخطت إيرادات فيلم بلوموندو حاجز 4 ملايين جنيه في دور العرض المصرية، بينما تجاوز 60 مليون جنيه في دور العرض العربية، ويعد فيلم بلوموندو من تأليف محمد وحازم ويفي، وتحت قيادة المخرج ياسر سامي.
وشارك بالفيلم عدد من الفنانين مع حسن الرداد، منهم: ميرنا نور الدين، هاجر أحمد، إنجي وجدان، رحاب الجمل، آيتن عامر، سما إبراهيم، بدرية طلبة، محمد محمود، محمود حافظ.
