مش عاوزة تديني حقي الشرعي.. ننشر اعترافات المتهم بإنهاء حياة زوجته في الغربية
حصل القاهرة 24 على اعترافات الزوج المتهم بقتل زوجته طعنا بـ “سكين” داخل منزل حماه عقب نشوب مشادة كلامية بينهما لرفضها الرجوع إلى منزل الزوجية، بقرية صا الحجر بدائرة مركز بسيون بمحافظة الغربية.
مش عاوزة تنام معايا
وأدلى المتهم بقتل زوجته في الغربية باعترافات تفصيلية أمام جهات التحقيق حول كيفية ارتكاب الواقعة وأسباب وظروف وملابسات الواقعة، قائلا: يوم الأربعاء الموافق 16/8/2023 أنا رنيت على حماتي بقول لها انت فين قالت انا في بسيون فقلت لها بالمره هاتي لنا شويه فاكهه معاكي من بسيون وبعدها روحنا عند حماتي قعدنا عندها وساعتها اخوها واخوالها كانوا مأجرين شقه في اسكندريه يصيفوا فيها فاختلفوا مع بعض هناك.
وأضاف: مراتي قالت لي تعالى نروح نقعد في الشقه يومين وده كانت الساعه 11:00 بالليل قلت لها اصبري نركب اتوبيس الساعه 6:00 الصبح قالت لي لا لازم نمشي دلوقتي وفعلا رنت على خالها واخوها وقالوا لها تعالي عشان تقعدوا في الشقة وهنسيبوها وفعلا جهزنا الشنط واخذت توك توك انا وهي وحمايا وروحنا وقفنا ساعه على الكوبري ما لقيناش عربيات ورجعنا تاني البيت وامها لما رجعنا قالت انا رايحه بكره دسوق تعالوا معايا نقعد شويه في الجنينه واخذت مراتي وبنتي ورحت على شقتي فجيت بالليل لما رحنا فكنت عايز أنام معاها ما رضيتش فقلت لها ماشي ونمت وانا زهقان.
وتابع: لقيت مراتي الصبح بتقول لي تعالى معانا دسوق فقلت لنا نفسيتي زهقانه ونزلت الشارع لقيت خالها وائل بيقول لي انت مش هتروح معاهم دسوق وقلت له لا انا نفسيتي تعبانه ومش عايز اروح فقال لي خد المكنه بتاعتي وروح وديهم ورحنا كلنا دسوق فلما وصلنا دسوق كنا قدام جامع سيدي ابراهيم الدسوقي قلت لها تعالى ندخل الجامع ونقرى الفاتحه واتحايلت عليها قالت لي لا وابوها قال لها عيب ما ينفعش ودخلنا الجامع وقرينا الفاتحة وجبت لعب للبنت الصغيره.
وأوضح المتهم بقتل زوجته بدائرة مركز بسيون بالغربية: قعدنا في التروسيكل لقيتها بتفتح في مواضيع قديمه وبتقول لي انت بتسجل لي مكالمات فقلت لي انا ما سجلتش غير مكالمه واحده عشان اثبت لاهلك انك صوتك عالي وقلت لها اقفلي على المواضيع دي واصفي فقالت لي انا مش صافيه ونزلت من التروسيكل وحكيت لابوها الكلام اللي بنته قالته فابوها زعلها وقال لها يا بنتي اتراضي فقالت له انا مش مرضيه فابوها قال لها قومي اتمشي شويه وتعالي وبعدها جينا المغرب وعلى البلد والكلام ده كان يوم 17/8/2023 وصلنا البلد بعد المغرب بنص ساعه رحنا على بيت ابوها وسبتها عند بيت ابوها قلت لهم انا رايح اصلي العشاء واقعد مع امي شويه وفعلا رحت صليت العشاء ورحت قعدت عند امي شويه امي قالت لي هي مراتك قاعده عند امها حتى وانت هنا فقلت لها ادعي لنا ان ربنا يهدي لينا الحال.
انت مش راجل
واستكمل المتهم: رحت عند حمايا عشان اخد مراتي عشان صابح مسافر ورحت لقيت حماتي ومراتي بس هي اللي في البيت فقلت لحماتي انا عايزه اتكلم قلت لمراتي اطلعي فوق عشان عايز امك في موضوع وانا اشتكيت لحماتي وقلت لها انا من ساعه ما جيت مش راضيه تنام معايا واول يوم خليتني أنام عادي وقالت لي ابعد عني واللي بيني وبينك البنت، ومراتى هي نازله سمعت الكلام اللي بقوله لامها لقيتها بتزعق وتقول لي انت انت بتقول لها ايه فقلت لي انا مش بكلم حد غريب وقعدت تزعق وتقول لي انت مش راجل انا مش عايزه حاجه منك وما تخشش هنا ثاني.
