مروان حامد: مشهد الاغتصاب لمنة شلبي في فيلم تراب الماس خلاها في حالة نفسية وحشة
تحدث المخرج مروان حامد عن فيلم تراب الماس وصعوبة العمل، وعن فيلم الفيل الأزرق وأصعب المشاهد للفنان كريم عبد العزيز في العمل.
وقال مروان حامد خلال ندوته في مهرجان الجونة السينمائي: مشهد ندم كريم عبد العزيز على حادثة أسرته في فيلم الفيل الازرق من أهم الحالات اللي عيشناها وقت التصوير.. واستعنا بطبيب نفسي عشان شخصية يحيى راشد في الفيل الازرق عشان أعرف تفاصيل الشخصية ومكان زي 8 غرب.
وعن فيلم تراب الماس، أوضح مروان حامد: عزت العلايلي في فيلم تراب الماس أول ما جه أضاف للفيلم ثقل كبير وشخصيته علقت في عقولنا لأنه ساب من خلاله أثر.. وتجربة منة شلبي كانت شديدة الحساسية في فيلم تراب الماس خاصة مشهد الاغتصاب والفيلم خلاها تعيش في حالة نفسية وحشة
واستكمل مروان حديثه: أول مرة كنت أعمل thriller كان من خلال فيلم تراب الماس وكنت متخوف منه.. واختيار الممثلين في أفلامي بيكون على أساس البعد عن النمطية وأنه ميكونش عمل الشخصية دي قبل كده لأني بحب متعة اكتشاف شخصية جديدة جوا الممثل ولازم يكون عنصر مفاجاة في الكاست.
