بعد طلاق شيرين من حسام حبيب.. شقيقها: لحم كتافي من خيرها وبتمنالها الخير
علق محمد عبد الوهاب شقيق الفنانة شيرين عبد الوهاب على طلاقها من الفنان حسام حبيب، النبأ الذي انفرد به موقع القاهرة 24 خلال الساعات القليلة الماضية، مشيرًا إلى أنه يتمنى لها الخير بحياتها ولكن علاقتهما يشوبها عدة شوائب.
طلاق شيرين عبد الوهاب وحسام حبيب
وكتب محمد عبد الوهاب شقيق شيرين عبد الوهاب عبر حسابه على فيسبوك، الآتي: والله ولا كنت عايز أعلق على الموضوع أساسًا ولا عايز أصلا يبقى ليا علاقة بأي حاجة أنا بس المعلومة عندي من يومين ومن كتر التليفونات والرسايل من السادة الصحفيين وأنا مليش أي علاقة ولا قريب ولا عايز.
وأضاف شقيق شيرين عبد الوهاب: الحقيقة بحبها أوي روحي وعمري وأختي الكبيرة وتاج رأسي وخيرها عليا ولحم كتافي من خيرها وأمي التانية بعد أمي، وبإذن الله هترجع تاني تكسر الدنيا وتمتعنا بفنها وغناها وصوتها وإحساسها اللي مفيش زيه في الكوكب كله، وبتمنالها كل خير من كل قلبي وتاخد بالها من ولادها سندها في الدنيا ونور عنيها، بس كله من وأنا بعيد في حياتي وهي في حياتها.
واختتم محمد عبد الوهاب حديثه، قائلًا: وحياة أمي بحبها أوي بس والله الطاقة اللي عندي يدوب على قد شوية الأمراض اللي جتلي والحمد لله على كده، مليش علاقة بأي حاجة أتمني تسيبوني أرجع شخص عادي ملوش علاقة غير بنفسه وبس شكرًا.
