غادة عبد الرازق: شيلت فكرة الجواز من دماغي.. والراجل مبيحبش الست تبقى أقوى وأنجح منه
أكدت الفنانة غادة عبد الرازق، أن عقلية الرجل المصري لا تتقبل شخصية المرأة القوية ولا نجاح المرأة، وتفاصيل مشاركتها في فيلم الريس عمر حرب.
وقالت غادة عبد الرازق خلال تصريحات تلفزيونية: عقلية الراجل المصري صعب تتقبل الشخصية القوية زيي، الراجل مبيحبش الست تبقى أقوى أو أنجح منه، واللي قابلته في حياتي العاطفية الراجل اللي بيدوس على كرامة المرأة لأني ناجحة، والأمان في أقرب الناس ليا مش في شريك الحياة، وشيلت فكرة الجواز من دماغي.
أما عن شخصيتها في فيلم الريس عمر حرب، علقت غادة عبد الرازق قائلة: الفيلم ده من أكتر الأفلام اللي بحبها جدًا، لأنه كان فيلم جرئ جدًا وقصته غريبة، أنا حبيت الدور أوي كان مركب وغريب ومش عارفة كنت هلعبه من أي جهة، وبعد الفيلم ما اتعرض كل الناس كانت متخيلة أن الشخصية مرسومة كده، ولكن أنا اللي رسمت الشخصية.
وعن مشهدها الشهير مع الفنان هاني سلامة، خلال أحداث فيلم الريس عمر حرب، فقالت: كنا حاطين روج تحت الأضافر علشان يبان إني خربشته، ولكن أنا عشقت الفيلم ده وحبيته وأكيد الحاجات دي بتحصل والكاتب مش جايب ده من برا.
غادة عبد الرازق: والدتي ماتت راضية عني
كما تحدثت الفنانة غادة عبد الرازق، عن علاقتها بوالدتها الراحلة، قائلة: والدتي كانت بتعشقني أنا وروتانا بنتي، وماتت راضية عني وأكبر دليل على كده إنها طلبت تشوفني أنا بس قبل وفاتها، وقالتلي خلي بالك من نفسك ومن روتانا، وأنا اتخضيت وكان أول مرة أشوف حد قدامي كده.
