يسرا: عايزة أكون مستورة ومش مديونة لحد.. وارتبطت بشخص غلط في حياتي
تحدثت الفنانة يسرا عن جوانب شخصية في حياتها، حيث وصفت زوجها بأنه حب عمرها، كما كشفت علاقتها بالمال، مشيرةً إلى أنها تريد فقط أن تكون مستورة، وألا تتعرض لأي ديون.
وقالت يسرا خلال ندوتها التي أُقيمت منذ قليل، ضمن فعاليات مهرجان الجونة السينمائي: الحب هو كل حياتي أنا معرفش أقعد مع ناس مش بحبهم، الحب اللي بجد معناه قوي واللي يعرف يحب يعرف يسامح ويتغاضى، وحبيت كتير بس أكبر حب في حياتي بدون شك هو خالد زوجي، ده حب عمري.
يسرا: عايزة أكون مستورة ومش مديونة لحد.. وعلاقتي بربنا أكبر سند ليا
وتابعت يسرا قائلةً: علاقتي بالفلوس إني مش عايزة أحتاج لأي حد، عايزة أبقى مستورة ومش عايزة حاجة من حد ولا أبقى مديونة لحد، وعلاقتي بربنا هي اللي قوتني في كل ظروف حياتي، وعلاقتي بيه روحانية جدا وإيماني بالله أكبر سند ليا.
يسرا: ارتبطت بشخص غلط في حياتي.. وأزماتي هزمتني في البداية
وأضافت يسرا متحدثةً عن علاقة سابقة بحياتها: مفيش أزمة مهزمتنيش في البداية، وكنت بفكر إزاي أنتصر عليها بعدين، وده اللي خلاني أطبطب على نفسي وأقول معلش أنتي هتعدي حتى لو في جرح هيخليكي أقوى وأصلب، بندم على حاجات كتير لما باخد قرارات سريعة وفي فترة من حياتي اخترت شخص ما غلط ارتبط بيه، والتسرع في الحاجات اللي زي دي بيكون غلط.
