بنتعلم منها.. ليلى علوي عن يسرا: بتعمل خير كتير.. وبتفّرق فتة ولحمة بنفسها
كشفت الفنانة ليلى علوي عن العمل الخيري الذي تقدمه يسرا سرًا دون الكشف عنه، حيث أشارت إلى أن الفنانة لا تكتفي بزيارة المستشفيات فحسب، بل تقدم اللحوم والفتة بنفسها، وهذا ما يجعل كل نجوم الفن يفتخرون بها.
ليلى علوي: يسرا ربة منزل ناجحة
وقالت ليلى علوي خلال حضورها ندوة يسرا التي أُقيمت خلال الساعات الماضية، ضمن فعاليات مهرجان الجونة السينمائي بدورته السادسة: هي إنسانة خيرية جدًا مش بس بتروح مستشفيات، ولكن كمان بتفرق عيش ولحمة وفتة بنفسها.
تابعت ليلى علوي: يسرا إنسانة وست زي كل الستات، ربة أسرة ناجحة، بتفرح وتحزن وتفشل، أنا فخورة إني بقول كده لأن الناس بتفكر أن النجوم عايشين حياة مختلفة تمامًا عنهم وده مش حقيقي، هي كائن غني جدًا بالإيجابيات، ومش بتستغلها لنفسها فقط ولكن للناس كلها، هي ملحمة وأحنا بنتعلم منها.
يسرا: لازم نحافظ علينا علشان عمرنا يطول في الفن
كما حرصت ليلى علوي على توجيه سؤال إلى يسرا قائلة: قلتي لو لعبت دور هشوف هستفيد منه ولا لا، وإحنا أتعرض علينا سيناريوهات كتير، ولكن بتحسي إنك مش بتستفيدي من العمل الاستفادة اللي تستحقيها.
وردت عليها يسرا قائلة: لما توصلي لحتة معينة لازم تحافظي على نفسك، عشان المصداقية اللي بينك وبين الجمهور لا تهتز، وإحنا في الأول يحق لينا منختارش صح لأننا مش فاهمين لكن بعد فترة لازم نحافظ علينا عشان عمرنا يطول فنيا.
وأكدت يسرا أنها شاركت في العديد من الأعمال الفنية، التي لم تضيف شيئا لتاريخها الفني، لكنها شاركت فيها بدافع مساعدة الجيل الجديد لأنهم ينتظرون هذه المساعدة.
