الفنان كريم قاسم عن احتمالية تقديمه أفلاما بالخارج: عشت واتربيت هنا.. الفرص بره محدودة وعمرها ما هتوصل صوتنا
تحدث كريم قاسم الفنان المصري، عن إمكانية سفره واستقراره بالخارج، مشيرًا إلى أنه لا يفكر في ذلك الأمر على الإطلاق إذ إن القضايا والموضوعات والمشكلات التي يرغب في مناقشتها معظمها في الداخل.
وقال كريم قاسم في لقائه مع القاهرة 24: فكرت أسافر بره وأنا صغير وأدرس تمثيل وأروح كندا، ولكن والدي قال لي اقعد هنا وأدرس هنا، ولما تخلص سافر، وسمعت نصيحته وما سافرتش.
وأضاف كريم قاسم أنه لا يفكر حاليًا في السفر أو الاستقرار بالخارج، رغم تقديمه أعمالًا عالمية، قائلًا: أنا في الآخر ممثل مصري، وعشت هنا واتربيت هنا ودي ثقافتي ولغتي، والحواديت والقصص اللي حابب أحكيها في أعمالي الفنية من هنا، وأكيد الشغل بره بيدي خبرة، وبيخليك تشوف الناس بتشتغل إزاي بحرافية وبنظام، لكن المواضيع اللي موجودة بره وبتناقش قضايا العرب محدودة، ولو موجودة بتكون محصورة في نوعية معينة زي اللاجئ أو الإرهابي، مفيش حواديت وقصص غنية بتتكلم عن العرب زي ما إحنا بنتكلم عن نفسنا، وإحنا عندنا حواديت كتير جدًا ممكن تتحكي، والفرص اللي بره محدودة وقليلة وعمر صوتنا ما هيكون مسموع زي ما هو مسموع هنا.
وكشف كريم قاسم أنه من الشخصييات التي لا تحب المخاطرة قائلًا: بحاول أمسك العصاية من النص ومش باخد الريسك، لإني بحاول أمشي في المنطقة الآمنة.
أحدث أعمال كريم قاسم
ويشارك الفنان كريم قاسم في مسلسل زينهم مع الفنان أحمد داود، والذي يُعرض حاليًا، ويُجسد خلاله دور الدكتور جيمي، وهو طبيب شرعي يعمل في مشرحة، كما يستعد لتصوير فيلم ولاد رزق الجزء الثالث.
