بسنت شوقي عن انتقاد استمرار عمل الفنانين في ظل أحداث غزة: الناس شايفة التمثيل ترفيه
علقت الفنانة بسنت شوقي، على انتقادات الجمهور استمرار عمل الفنانين في ظل أحداث غزة، بجانب حديثها عن الدورة السادسة الاستثنائية لمهرجان الجونة السينمائي.
وقالت بسنت شوقي في لقائها مع القاهرة 24 عن انتقاد استمرار عمل الفنانيين في ظل أحداث غزة: محدش مشتغلش، أنا مينفعش أكون ماضية عقد ومشتغلش، الحزن في القلب وحتى لو بعد الشر لو حد قريب منك توفى مش هتوقفي الشغل بتاعك، الموضوع كبير وأنا ماضية عقد وفيه بيوت مفتوحة.
وتابعت بسنت شوقي: المشكلة إن الناس شايفة أن الممثلين بيعملوا حاجة للترفيه ومحدش بيقول لأي شغل تاني ميعملش شغله، أنا بحس أن الحزن موجود والناس بتعمل اللي تقدر عليه، لو نفسيًا مش قادرة تمام كل واحد حر، أنا لازم أشتغل أنا ماضية عقد ومش هينفع أوقف تصوير بعد ما صورت.
أما عن الدورة السادسة من مهرجان الجونة السينمائي، فعلقت بسنت شوقي قائلة: الناس جاية المرة دي تشجع الصناعة السينمائية سواء في مصر أو عالميًا والناس مهتمة عارفة أهمية اللي هما بيعملوه، وعدم وجودنا كان هيأثر سلبيًا على الصناعة أو إيه الرسالة اللي هتوصل لو إحنا مش موجودين.
وأضافت بسنت شوقي: أنا مش من النوع اللي بيستسلم، أنا شايفة إن وجودنا مهم جدًا الدورة القائمين عليها عملوا مجهود خرافي متعملش في حتة علشان يبينوا قد إيه القضية بتمسنا كلنا ويطرحوا القضية فعلًا للي يعرفها واللي ميعرفهاش، التركيز على السينما الفلسطينية والأفلام.
مهرجان الجونة السينمائي في دورته السادسة
وعلى جانب آخر، انطلقت الدورة السادسة من مهرجان الجونة السينمائي، بشكل استثنائي بعنوان نافذة على فلسطين؛ والذي يعرض مجموعة من أهم الأفلام التي تتعمق في قلب القصص الفلسطينية، وتسليط الضوء على التحديات التي تواجه هؤلاء البشر الصامدين.
