نورين شحاتة تستضيف نجوم الترسو على تيك توك: لو مؤمن بنفسك هتحط الموبايل قدامك وممكن توصل وتكسب فلوس
استضافت الإعلامية نورين شحاتة في برنامجها البيه والهانم الذي تقدمه مع الإعلامي ممدوح الشناوي، نجوم الترسو على تيك توك، وهم أشخاص حققوا شهرة كبيرة على تطبيق تيك توك وأصبح لهم متابعين كبار، حيث ناقشت كيف أصبحت السوشيال ميديا غير مقتصرة على معرفة الأخبار فقط.
وقالت نورين شحاتة في مقدمة برنامج البيه والهانم المذاع عبر قناة القاهرة والناس: دور السوشيال ميديا مش بس أننا نعرف أخبار الناس لكن أصبح في نجوم عليها، يمكن الحكاية كانت في البداية أبلكيشن بنهزر ونتسلى عليه لكن بقى فيه نجوم للأبلكيشن ليهم متابعين كبار جدا.
وأشارت نورين شحاتة إلى أن الظهور على تيك توك له شقين، شق إيجابي هو أن أي شخص لديه موهبة أو يريد تقديم محتوى لا يحتاج إلى فرصة، أو علاقات أو غيرها من الأمور ولو لديه محتوى أو موهبة سيصل وسيكون له اسم ومن الممكن أن يجني أموالًا من وراء ذلك، أما الشق السلبي أن البعض يستغل هذا الأمر، وينشر محتوى غير جيد وأحيانًا منفر وقد يحقق شهرة أيضًا من كثرة الانتقادات.
وأوضحت نورين شحاتة: الموضوع ده له شقين شق إيجابي وهو أن أي حد عاوز يعمل حاجة مش مستني ياخد فرصة ويقول معنديش علاقات لكن الموضوع سهل جدا، وهو أني لو مؤمن بنفسي ومصدق في نفسي هحط الموبايل قدامي ولو عندي محتوى بجد هيكون عندي متابعين كبار وممكن أكبر وأوصل ويبقى ليا اسم وممكن أكسب فلوس، والشق التاني هو أن ممكن بعض الناس بتقدم أي محتوى وأي حاجة نافرة بعض الأحيان ولأننا بنتكلم عليها وننتقدها فجأة يطلعوا تريند ويبقوا مشهورين.
من جهته، قال ممدوح الشناوي: الناس دي بتشتغل عن طريق السوشيال وأجرهم عن طريقها، وبقى فيه نجوم سوبر استار ومتصنفين لـ نجومa وb وc، ولو تفتكروا فريد شوقي زمان كان ملك الترسو في مصر يعني بتاع الغلابة وبسعر بسيط تتفرجوا على فيلم له، نفس القصة الشباب دول ابتدوا من الصفر ولكن عندهم طموحات وأحلام وفكر مختلف وعاوزين يوصلوا والنهارده هنشوف تجربتهم وهل استفادوا منها ولا لأ.
