بسمة بوسيل: بنتي عندها 10 سنين وعملت براند لنفسها.. وأودلاي أهم إنجاز في حياتي
تحدثت الفنانة المغربية بسمة بوسيل، طليقة الفنان تامر حسني، عن علاقتهم بـ أبنائهم مؤكدة أنها تعمل طيلة الوقت على إشغال وقتهم بأشياء مفيدة غير اللعب، وتعمل على تنمية مهارة التجارة بداخلهم.
تصريحات بسمة بوسيل عن أولادها
وقالت بسمة بوسيل في تصريحات تليفزيونية، عن أولادها: أنا طول الوقت شاغلاهم بحاجات تشغل دماغهم، هي بتبقى متعبة ولكن أحسن من أنهم يضيعوا وقتهم في اللعب، أنا بحس أن المدارس مبتعلمناش اللي الحياة بتعلمه لينا، وأنا بنمي البيزنيس في شخصية ولادي وبقيت أوديهم معايا اجتماعات، وبنتي عندها 10 سنين عملت براند لنفسها واختارت اسم واللوجو وكنت مبسوطة أوي بيها.
وأضافت بسمة بوسيل: ولادي علموني حاجات كتير أوي وأولهم أعرف قيمة أمي، وهما أكبر إنجاز عملته في حياتي وهما الحب الحقيقي وأصدقائي، بيحسسوني بأحلى المشاعر اللي في الدنيا بدون مقابل، وهما طول عمرهم أولوية بالنسبة لي ربنا إدالي أحلى حاجة في الدنيا.
وأضافت: طبيعي أن ولادي يطلعوا بيغنوا علشان صوتي وصوت أبوهم، وحاسة إن أمايا هتبقى نجمة.
بسمة بوسيل: الطلاق أصعب قرار أخدته في حياتي
كما تحدثت بسمة بوسيل، عن طلاقها من الفنان تامر حسني، قائلة: أصعب قرار خدته في حياتي هو الطلاق، لأنك بتبني حاجات لمدة سنين وفجأة تكتشف أنها لازم تتهد، وأعتقد أولادنا متفاهمين موضوع الطلاق، لأنهم شايفين العلاقة بينا بقت أحسن، ومش بالضروري إننا معرفناش نكمل كزوجين منبقاش أصدقاء.
