تحقيقات خطف شاب على يد تاجر عقارات وإجباره على توقيع إيصالات: قالوا إحنا مباحث وخطفوني في عربية
تعرض شاب يدعى حسن عبد المعطي إلى واقعة نصب واختطاف على يد تاجر عقارات استولى منه على مبلغ مالي بحجة استثماره في شراء العقارات، وبعد ذلك اختطفه المتهم حتى يجبره على التوقيع على إيصالات أمانة بمبالغ مالية كبيرة.
خطف شاب على يد تاجر عقارات وإجباره على توقيع إيصالات
وحصل القاهرة 24 على التحقيقات في القضية التي حملت رقم 18673 لسنة 2023 في واقعة تعرض حسن عبد المعطى من المتهم سعيد.إ وآخرين لإجباره على توقيع ايصالات أمانة وذلك بشارع كورنيش النيل، بعد اختطافه من داخل أحد المطاعم وادعوا أنهم رجال شرطة.
وقل المجني عليه في واقعة خطفه واحتجازه وإجباره على توقيع إيصالات أمانة في التحقيقات: اللي حصل أنى أعرف سعيد. إ من حوالي 16 سنة، كانت بتربطني بيه علاقة عمل وجيرة، وكان فيه بينا شغل كثير من زمان في مجال المقاولات، وكان هو شغال في تقسيط الأجهزة الإلكترونية، وبياخد نسب من الشغل ده، وكنت بشتغل معاه وبديله مبالغ مالية، وهو كان بيطلعلي منها صافي ربح، وده بقى على حسب الاتفاق إللى ما بنا، وفي شهر 2022/12 اللي فات عرفني على وأحد أسمه سعيد.س وخلاني أثق فيه في إني هعرف استثمر معاه فلوسي، ولما اتعرفت عليه طلب منى مبلغ مالي 5.900000 خمسه مليون وتسعمئة ألف، مقابل إنه يشغلها في مول تجارى في الشيخ زايد، ويشتري فيلا في كومبوند يعيد بيعها ثاني في مقابل ربح ثابت وقدره 150 ألف، وبعدها بشهر فعلًا طلعلی صافي الربح ده، وقالي لو عايز أعملك مصلحة تانية من محل تجارى وتجارة في فيلا في نفس الكومبوند، المكسب بتاعها هيبقی زیادة، بس هيتأجر شویه، وساعتها هو عرض عليا أصل المبلغ وقدره 5.900.000، وأنا رفضت عشان أقبل بالعرض التاني، وآخد الربح بتاع الفلوس دي.
وأكمل المجني عليه في التحقيقات: أنا كدا كدا هو مديلي كل الضمانات، وماضي على نفسه عدد 6 إيصالات أمانة بالمبلغ الأصلي وقدره 5.900.000 وساعتها هو وعدني إنه يرجعلي الربح الثاني شهر 2023/3، ولما جه الوقت ده أنا طالبته بالفلوس، ولكن هو قعد يماطلني وقولتله لو مجبتليش المبالغ المالية إلى اتفقنا عليها انا مضطر ارفع عليك الـ 6 إيصالات أمانة، وساعتها انا رجعت لـ سعيد. إ عشان هو صحبه وهو اللي عرفني عليه، وساعتها سعيد اتفق مع شعبان إننا نتقابل ونحل المشكلة دي واتفقنا إننا نتقابل في مكتب محامي بتاعي يوم 2023/7/24، ويوم 2023/7/25 عملت محضر بإيصالات الأمانة دي أرقامهم رقمهم 13938 جنح العجوزة لسنة 2023 وعملت محضر ثاني رقمه 12784 جنح العجوزة لسنة 2023 في الآخر، بعديها كلمت سعيد اتفقنا مع بعض إننا تقابل في قهوة في أرض اللواء في العجوزة.
وتابع المتهم: هو طلب منى ساعتها وأكد عليا آجي لوحدي القهوة دي ويوم 2023/7/24 الساعة 11 بليل سعيد. إ وشعبان. س واتفاجئت إن معاهم كل من المدعو محمد أخو شعبان واسمه محمد. س سعيد والمدعوا إسلام. ل وواحد تانى اسمه عمر. عو. اول ما جم قعدنا على القهوة اللي في أرض اللواء، وأنا ساعتها كنت قلقان منهم لأنی شفت معاهم سلاح فرد خرطوش، وساعتها أنا هربت منهم لما انا عرفت إن نيتهم مش خير، وإنهم عايزين ياخدوا منى إيصالات الأمانه وساعتها بعت كل أملاکی عشان ارجع اصل المبلغ اللي سعيد وشعبان رفضوا يرجعهولي، وكنت لمه من ناس قرايبي ومعارف عشان ياخده الربح ده عن طريقي، وساعتها أنا روحت اشتغل كابتن في محل في العجوزه في شارع النيل، وساعتها سعيد حاول يجيبني عشان ياخد منى إيصالات الأمانة اللي على شعبان سعيد السيد ويوم 2023/8/28 كنت قاعد في محل عملي، ولقيت مدير المطعم والناس اللى معايا في المطعم قالولي الحق في حكومة بره مستنياكو الضابط عايزك، أول ما خرجت من المطعم لقيت اسلام لبيب وإسماعيل محمد وساعتها ضربوني وشدوني وقالولي تعالى معانا القسم يا حرامى فين الفلوس اللي عليك وركبوني عربية ماركة شيفورليت اوبترا.
