البلوجر هدير عاطف في التحقيقات: أنا دوري في التجارة كان الوسيط بين العملاء وبين زوجي بلال بس | خاص
مضى عام على إلقاء القبض على البلوجر هدير عاطف وطليقها وشقيقه وزوجة شقيقه، بتهمة النصب والاحتيال على عشرات الضحايا، في مبالغ مالية تخطت عشرات الملايين من الجنيهات، بحجة استثمارها في العقارات والسيارات والبورصة، وامتنع الرباعي عن السداد، ما اضطر الضحايا للتوجه إلى أقسام الشرطة وتحرير المحاضر، فألقي القبض عليهم ويجري التحقيق معهم منذ عام وحتى الآن.
قضية البلوجر هدير عاطف
ينفرد القاهرة 24 بنشر التحقيقات في قضية البلوجر هدير عاطف، والتي تم ضبطها منذ نحو عام، وما زالت في الحبس الاحتياطي حتى الآن، ويتم التحقيق معها بتهمة النصب والاحتيال على المواطنين، بزعم تشغيل أموالهم في العقارات والسيارات والتجارة الإلكترونية، بالاشتراك مع زوجها بلال المحبوس وشقيقته هاجر وزوجها تامر المحبوسين على ذمة التحقيقات.
اعترفت البلوجر هدير عاطف في التحقيقات وتضمنت اعترافاتها دورها في الشركة التي أنشأتها وعدد التحويلات التي حصلت عليها، وقالت: إن الحساب الخاص بتاعي ده من فرع سراي المعادي، واتحولي عليه حوالي 3 أو 4 مرات تقريبا، وبالنسبة لزوجي بلال كان بياخد مبالغ مالية من العملاء لأنه كان بيعمل عقود شراكة مع العملاء، وطبيعة عملي في الشركة هي إن أنا لما كان بيحصل مشكلة أو مش عارفين يتواصلوا مع بلال كانوا بيكلموني.
وعن سؤالها عن إحدى الضحايا وتدعى مي، قالت:أنا معرفش حاجة عن مي وما تواصلتش معايا بس أنا عارفة إنها ليها فلوس عند بلال، وبسؤالها عن ضحية تدعى هديل، قالت بالنسبة لهديل. م دي أنا معرفش إنها صاحبة بيوتي سنتر ومعرفش إنها دفعت فلوس لحد.
وأضافت البلوجر هدير عاطف في اعترافاتها: وسؤالها عن أقوال كلا من الضحية نهي. ع، ومحمد. ع، وأحمد. س، ومحمد. أ، وعبدالله. ع، وسماح. م، وشيماء. ع، ومي. ر، وسارة. م، ومحمد. ر، محمد ومحمد. س، ومحمود. ع، وخلود. ح، أنهم تعرفوا عليك أنتِ والمتهمين عن طريق والانستجرام وانهم دفعوا مبلغ مالي نظير أرباح شهرية لاستثمارها، قالت: أنا معرفش حد من الناس دي، وكمان أنا محضرتش أي اتفاقات بين العملاء وبين بلال ومحمود وهاجر.
وبسؤال البلوجر هدير عاطف عن محتوى الرسائل بينها وبين المتهمة هاجر، أجابت: هي كانت باعته ليا الكشف ده عشان بلال مكنش بيرد عليها، والأشخاص المذكورين دول أنا مليش علاقة بيهم، هي بعتت لي الكشف ده عشان أوريها لبلال، واللي حصل إنها بمجرد ما بعتت الكشف أنا وريته لبلال وقولت له إن هاجر باعت لك الكشف ده، حتى كمان الرسائل الصوتية اللي كانت على الموبايل برضه عشان أسمعها لبلال، وكمان بالنسبة للرسائل عشان أوصل رسائل بلال لهاجر، وأنا كنت بعمل كده عشان بلال زوجي كان ديما قافل الموبايل، والتحويلات دي بلال اللي قالي أحولها.
