الشحات مبروك: اتظلمت أوي لما اتحصرت في أدوار الأكشن بسبب شكلي
أعرب الفنان ولاعب كمال الأجسام الشحات مبروك عن استيائه من حصر المخرجين له في أدوار الأكشن، وعدم استغلال موهبة التمثيل لديه في أدوار مغايرة عما قدمه من قبل.
وقال الشحات مبروك خلال لقاء مع القاهرة 24: اتظلمت أوي أوي والله العظيم، أنا لعبت كمال أجسام وخدت بطولات العالم عشان أبقى ممثل مش عشان أضرب، ولكن شكلي وظروفي وعضلاتي حطتني في الحتة ديه، ولو رجعنا لأي مشهد في أي عمل هنلاقي فيّا حتة تمثيل.
وأضاف الشحات: جابني أستاذ رامي إمام في عوالم خفية في مشاهد مفيهاش ضرب وفيها تمثيل، وفي فيلم أبو نسب مفيش مشاهد أكشن وشبه كوميدي، بسعد لما حد يجيبني عشان حاجة مفيهاش أكشن وعضلات، عايز اطلع اللي جوايا زي ما أستاذ رامي طلع مني.
أعمال الشحات مبروك
يُعرض حاليًا لـ الشحات مبروك فيلم أبو نسب بطولة الفنان محمد إمام وتحت قيادة المخرج رامي إمام، وتمكن من تحقيق إيرادات مرتفعة منذ طرحه قبل يومين في دور العرض المصرية، حيث تخطت إيراداته حاجز 4.4 مليون جنيه حتى الآن، ليحتل المركز الأول في الإيرادات اليومية لشباك التذاكر المصري.
وضم فيلم أبو نسب العديد من الفنانين مع محمد إمام والشحات مبروك، منهم: ماجد الكدواني، محمد ثروت، حاتم صلاح، ياسمين صبري، هالة فاخر، وفاء عامر.
