غالية بن علي: برقص وبغني عشان أوصل كلمة.. والثقافة مش كباريه
تحدثت الفنانة غالية بن علي، عن استمرار عمل الفنانيين في ظل الأوضاع التي يشهدها الشعب الفلسطيني وقطاع غزة خلال حربهم مع العدو المحتل الإسرائيلي.
وقالت غالية بن علي في لقائها مع القاهرة 24: اللي بيحصل في غزة إبادة.. اللي بيحصل يخلينا نرجع نفكر تاني الواحد بيتكلم بصراحة أكتر.. المطلوب مننا يكون في صدق في أي حاجة بنعملها هيخلينا دايمًا نعمل الصح.
وتابعت غالية بن علي: الثقافة مش ترفيه مش كباريه لازم يبقى في وعي، لو كانت الثقافة ترفية مكنتش رقصت وأغني أنا بستخدم الرقص والغناء عشان كلمة، مهم جدًا المزيكا والأفلام فرصة أن واحد فلسطيني بيشتغل طول حياته أن الناس تشوف فيلمه.
غالية بن علي: الإنسانية في مأزق دلوقتي.. والناس في فلسطين محتاجين كلمة حق مش تبرعات
وسبق وأن علقت غالية بن علي، على إلغاء المهرجانات الفنية تضامنًا مع القضية الفلسطينية: أنا ضد إلغاء المهرجانات السينمائية وإننا نعلي الصوت.. والواحد خايف كلمته متوصلش، ودلوقتي مش هيبقى في دقيقة صمت، لأن كل دقيقة في ناس بتموت وبيحصل خراب ولازم نتكلم.
وأضافت غالية بن علي: اللي بيحصل في غزة مش حرب دي إبادة.. وبيخلينا نرجع نفكر تاني، إحنا مطلوب مننا إننا نتكلم بصدق وبصراحة، والإنسانية في مأزق دلوقتي والفنان مش لازم يغني أغاني وطنية بس يقول كلمة، الناس هناك مش مستنين تبرعات محتاجين كلمة حق.
