عبير صبري: زوجي فلسطيني.. واستشهد 4 من أهله في حرب غزة |فيديو
كشفت الفنانة عبير صبري، عن موقفها من الحرب الحالية والإبادة الجماعية التي يتعرض لها أهل غزة، خاصةً أن زوجها فلسطيني.
وقالت عبير صبري خلال لقائها مع القاهرة 24: أنا مقدرش أقيم تصرفات الناس وأشوف مين بشتغل وقت الحرب ومين لأ، أنا بالنسبة لي طبعا ده وقت عصيب وحزين وأنا قلبي مكسور وحاسة إني نفسي مسدودة من كل حاجة، ومش قادرة أحب حاجة، ومتقدريش تفرحي والناس حزينة.
وتابعت عبير صبري: تحسي إن كل الهموم اللي في الدنيا قليلة أوي قدام اللي بيحصلهم في فلسطين، خصوصًا إني زوجي فلسطيني وأهله من غزة واُستشهد 4 من عيلته، يعني بالنسبة لنا كمان الموضوع صعب على المستوى العائلي، وبندعي ونتبرع ونقول يا رب ينجدهم.
وعلى جانب آخر، تطرقت عبير صبري للحديث عن تكريمها في حفل جوائز دير جيست، معربةً عن سعادتها البالغة به.
وقالت: الحمد لله دي مش أول مرة أتكرم في حفل دير جيست، دي يمكن خامس أو سادس مرة، وكل سنة الحمد لله بعمل دور الناس بتقيّمه تقييم جميل.
عبير صبري: جوزي بيبقى منهدش من أدواري
وتابعت عبير صبري، كاشفةً رأي زوجها في الأدوار التي تقدمها: جوزي عموما بيبقى مندهش بكل دور بعمله، وبيقعد يقولي مش مصدق إنك عملتي كدة، والسنة دي بعد دوري لقيته بيقولي خلاص مش جديد عليكي، وأنا كل ما بشوفك في دور ببقى فخور بيكي ومتوقع إنك هتنجحي.
