رانيا التومي عن انتقادات إطلالاتها: أنا زي المترو اللي مبحبوش بدوسه.. والتمثيل حلم واتحقق
علقت الفنانة والإعلامية التونسية رانيا التومي، على انتقادات الجمهور لإطلالاتها، مؤكدة إنها لا تلتفت لهذه الانتقادات، بجانب حديثها عن دخولها الوسط الفني.
وقالت رانيا التومي، في لقائها مع القاهرة 24: أنا عملت دور حلو أوي وتعليقات الناس والكلام اللي قالوه مبسمعوش، وأنا عاملة زي المترو أي حد مبحبوش بدوس عليه على طول.
وأكدت رانيا التومي أنها تعتمد على جمالها الطبيعي، قائلة: كل الفنانات حلوين وأنا مبعملش ميك آب خالص ومبحبهوش.
أما عن تفضيلها التمثيل على تقديم البرامج التليفزيونية، فعلقت رانيا التومي: ده حاجة وده حاجة، وأنا بحب التمثيل أوي ده حلم اتحقق الحمد لله علشان على نياتكم ترزقون.
رانيا التومي تكشف تفاصيل تعاونها مع مصطفى كامل في نور الريس
وتحدثت الفنانة رانيا التومي، عن تفاصيل تعاونها مع الفنان مصطفى كامل، نقيب المهن الموسيقية، في فيلمه الجديد نور الريس، قائلًا: بحب أغاني مصطفى كامل جدًا، وهو قريب أوي مني وهو أكتر واحد في اللوكيشن بيشجعني وبيوجهني في الشخصية، وعايز نطلع العمل في أحسن صورة علشان كلنا ننجح ودي المسئولية.
وأضافت رانيا التومي، كاشفة تفاصيل شخصيتها في فيلم نور الريس: بجسد دور بنت رومانسية جدًا وطيبة وبتحب كل الناس، حتى لو هي من طبقة غنية شوية بس ممكن تتجوز حد أقل منها علشان بتحبه وراجل، بتبص للحياة بمنظور تاني.
أبطال فيلم نور الريس
يشارك في فيلم نور الريس، كل من: الفنان مصطفى كامل، عمرو عبد الجليل، وفراس سعيد، ولطفي لبيب، وأحمد صيام، رانيا التومي، ومحمد سليمان، بوسي شاهين ومحمد فاروق شيبة، نور أبو البيه، وتأليف محمد سمير مبروك، قصة مصطفى كامل، وإخراج مازن الجبلي.
