طليق هدير عاطف: أخدت من الناس فلوس واستثمرتها في السيارات والبورصة وعندي استعداد ارجعلهم فلوسهم بس يصبروا |خاص

يستكمل القاهرة 24 نشر التحقيقات في قضية البلوجر هدير عاطف بعد القبض عليها وحبسها على ذمة التحقيقات منذ عام وحتى الآن، لاتهامها بالاستيلاء على أموال مواطنين والنصب عليهم بزعم استثمارها لتحقيق عوائد وأرباح مالية، بعد ترويجها عبر صفحتها الشخصية لجذب ضحاياها وتحصلها على أموالهم، بعد إيهامهم بأرباح مالية نتيجة استثمار تلك الأموال في تجارة السيارات والعقارات، علاوة على تشغيلها في البورصة، بالاشتراك مع زوجها بلال، وشقيقه وزوجة شقيقه.

تحقيقات قضية البلوجر هدير عاطف
 

بلال طليق هدير عاطف يعترف: أخدت من الناس فلوس علشان أستثمرها وكل التوقيعات اللي على العقود  توقيعاتي 

ويواصل  القاهرة 24 نشر أقوال المتهم بلال طليق البلوجر هدير عاطف إذ قال بعد اطلاعه  على عقود الشراكة بينه وبين المجني عليهم والمرفقة بالتحقيقات: العقود دي فعلًا اللي بيني وبين الناس اللي أنا أخدت منهم فلوس علشان أستثمرها، وكل التوقيعات اللي عليها توقيعاتي.

أقوال بلال طليق البلوجر هدير عاطف

وأضاف بلال طليق البلوجر هدير عاطف في التحقيقات: لا مش كل العملاء أخدوا فلوسهم، واللي حصل إن كان عاندي مشاكل في الجدول الزمني إني أرجع لهم الفلوس في الميعاد.

 قضية البلوجر هدير عاطف

وتابع بلال أمام جهات التحقيق: الناس بدأت تطالبني بفلوسها مرة واحدة، وهما عاملين عقد شراكة لحد سنة وده خلى الأمور تخرج عن سيطرتي، وأنا على استعداد أدفع الفلوس دي للناس وأحوّل الفلوس على حسابات بنكية لمصر لكن ده هياخد مدة زمنية بسبب حدود السحب والإيداع.

قضية البلوجر هدير عاطف وطليقها

وواصل المتهم أمام جهات التحقيق: أنا ممكن أدخل في العشرين يوم مليون دولار وبترجع لسرعة الشبكات وموافقة التطبيق، وعادل كان معاه القصة كلها ومشترك معايا وهو كان بيتعامل مع العملاء وعارف كل حاجة كنت بعملها، وهاجر كلامها كل صح، وبسبب المشاكل فى ناس ماخدتش فلوسها لكن أنا ممتنعتش عن قصد.