إيناس الدغيدي: اللي بيحرم الفن ناس مشوهة فكريا.. والجمهور بيحب المشاهد الساخنة
كشفت المخرجة إيناس الدغيدي، عن رأيها في مصطلح تحريم الفن إلى جانب حديثها عن المشاهد الساخنة في الأعمال الفنية.
وقالت المخرجة إيناس الدغيدي في تصريحات تليفزيونية، إن الجمهور يحب المشاهد الساخنة، والنجوم الذين قدموا تلك المشاهد حققوا شهرة كبيرة، معلقة: الجمهور بيحب يشوف اللي ميقدرش يعمله في الحياة، عشان كدا بيحبوا المشاهد الساخنة، وكل النجوم اللي عملوا أفلام جريئة وفيها المشاهد دي كان عندهم شهرة أكتر من اللي معملوش.
وأكدت المخرجة ايناس الدغيدي، أن مهنة الفن صعبة للغاية ولا تتمنى لبنتها أن تعمل في هذا المجال، وأوضحت قائلة: اللي بيتشغل في الفن هو صعب جدا ومش بيحب أولاده يشتغلوا فيه عشان صعوبته وحساسيته وحكم الناس عليك وبتأخذ مواقف ولم أتمنى بنتي تشتغل في الفن.
وأضافت إيناس الدغيدي، أنهم يعيشون في تحديات كبيرة ووجع قلب، رافضة التصريحات التي تحرم الفن قائلة: الفن مش مهنة سهلة والفن مش حرام واللي بيحاسب عليه ربنا.
إيناس الدغيدي تكشف رأيها في مطلح تحريم الفن
وبشأن مصطلح تحريم الفن، علقت المخرجة إيناس الدغيدي: اللي يتكلم عن التلامس والكلام ده في الفن مخ وعقلية، واللي يحرم الفن ويرجع ناس مشوهة فكريا ومش عارفه عايزة ايه وكل واحد بيختار في الحياة بيبقى عايز ايه والناس تختار وتتحدى وتواجه يا متدخلش الفن من الأساس.
وعن موقفها من المشاركة مع حلا شيحة في عمل فني، ردت قائلة: أهلا وسهلا لو الدور بتاعها في الحدود والمفروض تعيش الحياة كما يجب أن تكون في الفن ولكن متمسكش العصاية من النص، وأنا مش بحب الجراءة ولكن أنا جريئة بطبيعة شخصيتي ومهنتي والدنيا والمهنة اللي خلتني جريئة.
وأكدت المخرجة ايناس الدغيدي، أن الفنان الراحل أحمد زكي كان موهوبًا أكثر من أي شخص وهو خرج عن الشكل التقليدي للنجومية، قائلة: أحمد زكي وكان شبه كل الناس اللي في الشارع وكان فرحان أنه شبه كل الناس وجيله كان كلهم حلوين وهو مختلف وسماره كان جميل.
