أمينة شلباية: استحرمت اللي بعمله في البرامج وشوفت إني بكسب فلوس حرام
أوضحت خبيرة التجميل والإتيكيت أمينة شلباية سبب ابتعادها عن تقديم البرامج التليفزيونية خلال السنوات الماضية، مشيرةً إلى أنها قطعت وعدًا بعدم العودة لتقديم مثل نوعية البرامج التي سبق وقدمتها من قبل.
سبب ابتعاد أمينة شلباية عن تقديم البرامج التليفزيونية
وقالت أمينة شلباية خلال لقائها مع القاهرة 24: منذ ثلاث سنوات ابتعدت عن تقديم البرامج التليفزيونية؛ لأنني لا أريد تقديم مثل تلك النوعية من البرامج، وقطعت وعدًا بعدم العودة إليها سوى ببرنامج لا يتحكم به كم الإعلانات المعروضة.
وأضافت أمينة: كنت أستضيف أشخاصًا لا أريد استضافتهم، وكنت مرغمة على التعبير عن بعض المنتجات والإشادة بها وهي لا تستحق الإشادة، مضيفة: استحرمت اللي بعمله وإني بكسب فلوس حرام وإن بعد كل السنين ديه وتعبي وثقة الناس فيّا أعمل كده، بقيت بقول على منتج كويس وهو مش كويس، وأبقى قاعدة مع دكتور بيقول أي كلام وأنا مجارياه.
وأردفت أمينة شلباية: قولت مع نفسي ما كل البرامج بتاعتي كانت من إعدادي، مش هعرف أعمل ده على السوشيال ميديا؟ لا ما أنا هعرف وابتديت وربنا كرمني أكبر كرم لأني بدأت بالنية اللي قولت عليها، وحبيت السوشيال ميديا بكل المقاييس، وهي أفضل على الأقل منصة بتاعتي، أقول عليه اللي عايزاه ومحدش هيرغمني على حاجة.
أما عن انتشار عدد من البلوجرز المقدمين لنفس محتواها، قالت أمينة: أنا من النوع اللي بفرح لما بشوف ناس بتعمل كده، يبقى أنا وصلت، وبالعكس ديه حاجة حلوة مش وحشة.
