مصممة أزياء فيلم شماريخ: آدم الشرقاوي أكتر شخصية أخدت مني وقت.. وتاتو الرمان يدل على الجنس والدم
تحدثت غدير خالد مصممة أزياء فيلم شماريخ عن شخصية فارس والذي جسدها الفنان الشاب آدم الشرقاوي، وعن تحضيرتها لأزياء الشخصية.
وقالت غدير خالد في تصريحات خاصة لـ القاهرة 24: المخرج عمرو سلامة كان ليه رؤية من البداية، ولكن من ألطف الأشياء أن كان في نقاشات كتير جدًا على شخصيات الفيلم.. وكان عايز يسمع مني أكتر.
وعن تحضيراتها لشخصية فارس ـ آدم الشرقاوي، أوضحت غدير: كل شخصيات الفيلم كان فيها غنى وكلهم اخدوا مني وقت وتفكير، وشخصية آدم الشرقاوي أكتر شخصية خدت مني وقت، وأنه يطلع بالشر ده وشخصية سادية.
واستكملت غدير حديثها: عملت دايزين للتاتو لشخصية آدم الشرقاوي، وكان في تاتو على شكل رمانه في إيده، والرمان في عالم التاتو ليه علاقة بالدم والحب والجنس، وكان فيه تاتو على رقبته اسمه sinner ـ يعني مذنب أو خطاء.
وعن ستايل شعره، أضافت غدير: شكل شعره حبيت يكون مختلف.. مش عايزه أبين أنه كيوت وأول ما تشوفيه تقولي دق ناقوس الخطر شكله مش مألوف علينا وكحل جوا العين، وهو سادي، لأنه اتربى في أجواء مش متوازنة.
فيلم شماريخ
ضم فيلم شماريخ عدد كبير من النجوم أبرزهم: آسر ياسين، أمينة خليل، آدم الشرقاوي، خالد الصاوي، سامي مغاوري، وعدد آخر من الفنانين، والعمل من تأليف وإخراج عمرو سلامة.
