طليقة محمد فرج تتعرض لهجوم إلكتروني على إنستجرام: عرفت مين اللي بيعمل كده.. وهاخد حقي بالقانون
قالت البلوجر نوران نصر إنها تتعرض لهجوم إلكتروني على موقع إنستجرام، مشيرة إلى أنها ستتخذ الإجراءات القانونية ضد من يقوم بذلك.
طليقة محمد فرج: صوري وحساباتي بتتحذف والبادي أظلم
وأكدت البلوجر نوران نصر، عبر خاصية الاستوري على حسابها الشخصي بموقع إنستجرام أنها لن تصمت مرة أخرى بعد الهجوم عليها بحذف حساباتها ومنشوراتها الدعائية من على حسابات التواصل الاجتماعي، قائلة: آخر فيديو ليا مع الشركة اتحذف بنفس الطريقة اللى كانت بتتشالي بيها صوري في الأكونت القديم.. ومكنتش بفهم الطريقة دي بس دلوقتي فهمت.
واستكملت نوران: كنت بسكت كتير قبل كده.. لكن المرة دي مش هسكت وهيكون ليا رد فعل قوي.. والبادي أظلم، موضحة أن هناك شخصا معروفا لدى الجمهور تعمد حذف هذه المنشورات الدعائية.
وتابعت: أنا وانتو عارفين مين اللى قفلى الأكونت القديم كويس..الناس المؤذيين دول الاحترام والأدب مش نافع معاهم.. وهيترد عليهم بنفس الطريقة.. دول ناس مريضة.. ربنا مش هيسيبهم.
طليقة محمد فرج: عرفت مين اللى عمل كهة
وعقبت على الاستوري: فيه قضاء مصري ومباحث إنترنت بتعرف تجيب حق أي حد كويس أوي.. والفترة اللي جاية كل حاجة هتبان بالقانون.
وأضافت نوران معلقة: وكانت ليا صور بتتصورلي مع صحابي ومع أهلى، وكانت بتتبعت للناس وتحتها شتيمة ليا بأقذر الكلام.. أنا يا جماعة عرفت مين اللى عمل كده وكله هيبان ليكو بالقانون وبالمستندات الرسمية.
وأثارت البلوجر نوران نصر الجدل أكثر من مرة، منذ انفصالها عن الانفلونسر محمد فرج في أبريل 2023، بعد زواج دام سنة ونصف، وعلاقة ارتباط دامت 3 سنين.
