تسنيم مطر عن استبدال داليا شوقي بأميرة أديب في وبينا ميعاد 2: اجتماعية ودخلت بينا بسرعة | خاص
علقت الفنانة تسنيم مطر على غياب الفنانة داليا شوقي عن المشاركة في الجزء الثاني من مسلسل وبينا ميعاد، والمقرر عرضه قريبًا على شبكة قنوات دي إم سي.
وقالت تسنيم مطر في تصريحات خاصة لـ القاهرة 24 عن الجزء الثاني من مسلسل وبينا ميعاد: الجزء التاني أكيد هيكون مختلف عن الأول، الأحداث هتدور في نفس إطار الاجتماعية، بس الأحداث هتكون مختلفة، وهيحصل حاجات محدش متوقعها.
وحول عدم مشاركة داليا شوقي في وبينا ميعاد 2 بعد تعاونهما سويًا خلال أحداث الجزء الأول، في دور الشقيقتين ليلى وهند، أضاف تسنيم: على المستوى الشخصي أميرة وداليا أنا بحبهم جدًا، وفي الأول والآخر ده شغل، وإحنا أصحاب برا، بس كده كده أنا متعودة إني كل فترة بدخل عمل جديد بناس مختلفة، وبالنسبالي نفس الفكرة.
وواصل تسنيم مطر تصريحاتها قائلة: أميرة اجتماعية، ودخلت ما بينا بسرعة، وداليا اعتذرت عن دور هند عشان أسباب شخصية عندها.
داليا شوقي تعلن عدم مشاركتها في وبينا ميعاد 2
وسبق وأعلنت داليا شوقي عدم مشاركتها في الجزء الثاني من مسلسل وبينا ميعاد، من خلال منشور كتبته عبر حسابها الرسمي بموقع انستجرام، معلقة: كان سر كبير وتقيل بس أعتقد دلوقتي كلكم عرفتوه، بالنسبة لي هند حكايتها خلصت في أول جزء من وبينا ميعاد، مقدرتش أكمل لتغيرات جذرية من وجهة نظري عن الشخصية وفي أشياء تانية كتير، الأمانة راحت لشخص أنا بحبه جدًا، وبتمنى التوفيق للجميع، شكرًا على كل رسايلكم وعلى حبكم، يا رب هند تفضل في قلوبكم زي ما هي كانت وستظل حتة مني.
