ابني قالي الحقي يامّه أشرف مات.. والدة المجني عليه تروي كواليس جريمة الشرف بحدائق المعادي| تحقيقات
أدلى المتهم بإنهاء حياة عشيق زوجته في دار السلام باعترافات تفصيلية عن كواليس ارتكابه للحادث، وزعم أنه ارتكبها بعدما اكتشف خيانة زوجته له.
تحقيقات جريمة دار السلام
وزعم المتهم عبد لله، ع أنه يوم الخميس بتاريخ 21 ديسمبر 2023 أسمعته شقيقته عائشة وصديقتها مكالمة جنسية بين زوجته أسماء، م والمجني عليه أشرف، ح، وذهبوا إلى زوجته وواجهوها بالمكالمة ولم تعترف بها واعتدوا عليها بالضرب وخيروها ما بين أن يرسلوا تسجيل المكالمة إلى شقيقها أو أن تستدرج المجني عليه يوم الاثنين 25 ديسمبر 2023 إلى شقتها.
واستمعت جهات التحقيق إلى أقوال والدة المجني عليه في جريمة الشرف بحدائق المعادي والتي جاءت كالتالي:
س: ما هي حالتك الاجتماعية؟
ج: أنا أرملة ح.ع وعندي 5 عيال.
س: وأين تقطنين تحديدًا ؟
ج: أنا ساكنة لوحدي في شقة في الدور الأول في العمارة رقم 9 في شارع حدائق المعادي دار السلام.
س: ومنذ متى وأنت تقيمين في ذلك العقار؟
ج: أنا ساكنة بقالي أكثر من أربعين سنة.
س: ومن تحديدًا يقطن برفقتك بذلك المسكن؟
ج: أنا دلوقتي قاعده لوحدي
س: صفي لنا العقار محل سكنك تحديدًا ؟
ج: هي عمارة من أربع أدوار ودور أرضي وكل دور فيه شقة.
س: حددي لنا قاطني ذلك العقار تحديدًا؟
ج هو الدور الأرضي ده مخزن بتاع واحد أنا مش عارفة اسمه وعمله مخزن والدور الأول أنا ساكنة فيه.
س: ماذا حدث تحديدا؟
ج: اللي حصل الي أنا يقالي أكثر من ثلاثة أيام سايبه البيت بتاعي وقاعده مع حفيدتي في مستشفى
الأمل في شبرا الخيمة علشان هي كانت تعبانة وأنا كنت مقيمه معاها وإمبارح بليل كلمني ابني مصطفى وقالي تعالي البيت علشان فيه مشكلة مع أشرف وأنا على طول سيبت المستشفى وطلعت على البيت وأول ما وصلت لاقيت فيه ناس واقفين عند البيت وابني مصطفى قالي إن أشرف مات في شقة في الدور الثالث بتاعت أسماء.
س: متى وأين حدث ذلك؟
ج: هو لما ابني مصطفى كلمني وبلغني إن فيه مشكلة مع أشرف كان حوالي الساعة ٧ بليل
كنت في مستشفى الأمل في شبرا الخيمة وأنا لما روحت ووصلت البيت بتاعي وعرفت إن ابني أشرف مات كان حوالي الساعة ٨:٣٠ مساء في بيتي بشارع عبد الحميد مكي بدار السلام.
