نورهان منصور: بختفي عن الفن عشان آخد كورسات تمثيل.. والشبه بيني وبين شقيقتي بيوقعني في مشاكل
تحدثت الفنانة نورهان منصورعن فكرة التشابه بينها وبين شقيقتها رانيا، بجانب كشف سبب ابتعادها عن التمثيل بين الحين والآخر.
وتحدثت نورهان منصور في تصريح لـ القاهرة 24، إن فكرة الشبه بينها وبين شقيقتها جعلها تقع في مشاكل كثيرة، معلقة: في مواقف كتير جدًا بتحصل بسبب الشبه بيني وبينها، وأوقات بتعمل مشاكل ومواقف ضحك.
وعن حضورها العرض الخاص لدعم صناع فيلم الحريفة، قالت نورهان منصور: تجربة جديدة ومختلفة إن يكون أبطال الفيلم نجوم شباب، وأعتقد من فترة مشوفناش التجربة دي، فمتحمسة أشوف النتيجة هتكون إيه، وبتمنالهم كل التوفيق يارب.
نورهان مصطفى: بهتم إني أخد كورسات في التمثيل
وحول ابتعادها عن الفن بين الحين والآخر، أضافت نورهان منصور: الفترة اللي بختفي فيها عن الفن ببقى علشان عايزة أشتغل على نفسي، بهتم إني أخد كورسات في التمثيل، وأطور من نفسي أكتر، علشان لما أرجع أكون عند حسن ظن الجمهور، والفترة اللي فاتت اتعلمت رياضة جديدة وهي رياضة فليكس إكس بلتي، واهتميت بيها جدًا وبدأت أتمرن.
وعلى جانب آخر، أعربت نورهان منصور عن حزنها الشديد لما يحدث في غزة، وقالت عبر لـ القاهرة 24: والله ده توقيت مناسب إن إحنا نبتدي نتعرف على الفن الفلسطيني بشكل عام، أنا عن نفسي بصراحة شديدة أول مرة في حياتي أتفرج على فيلم فلسطيني، وبلوم نفسي قبل كده في الحقيقة، بس كويس جدا إتاحة إن المهرجان ياخد الفرصة نتابع ونتعرف على ثقافات جديدة من جهات مختلفة من العالم كله خصوصا المجتمع الفلسطيني.
