أصالة عن حفل ليلة نجوم العرب: الرياض عاصمة روحي.. وتتوجت بصلحي مع أنغام
تحدثت الفنانة أصالة عن كواليس حفلها الأخير الذي يحمل عنوان ليلة نجوم العرب، والذي أقيم ضمن حفلات موسم الرياض مؤخرًا، في المملكة العربية السعودية، احتفالًا بالعام الجديد 2024.
وكتبت أصالة، منشورًا عبر حسابها الشخصي بموقع التغريدات إكس - تويتر سابقًا، جاء فيه: شو كانت ها الليلة حلوة لأسباب كتيرة أحلاها إني من كم سنة فاتت بعيش رأس السنة بعاصمة روحي الرياض، بالرياض بنجتمع بحفلة وحده ولأن تكررت لقاءاتنا كزملاء وزميلات فيه ناس صار بيني وبينهم بالسلام، والكلام القليل.
أصالة: في الحفلة كان يوجد كتير من مشاعر الود
وتابعت أصالة: بس فيه شعور أهل فيه ألفه رغم بعض الخلافات والاختلافات، بس الجمعات اللي صارت مع حجم القلق، والخوف، والرهبة، وكلنا بنقدّم نفس شكل الموهبة كلنا منغنّي رغم كل واحد فينا بدّه يتفوق، بس بيصير تقارب بالروح، وفيه شكل من أشكال التعاطف، لأننا بنحس ببعض بشكل ما.
واستكملت أصالة: كان في الحفلة يوجد كتير من مشاعر الود، تتوجت بصلحي مع نغّومه وكتير كنت مشتقتلها، وبالحفلة تمرّنت متل الطلاب الأطفال كتبت على ورق كتير، وكان أستاذي جوزي المخلص متلي وشوي أكتر.
أصالة: تشرّفت بمشاركتي فيها مع نجمات كبار عزيزات غاليات وكلهن صديقات
وأضافت أصالة: حبيبي فايق حسن، كان حواليي الكلّ مهتمين كتير، حبايبي وأهلي اللي اهتمّوا بمظهري، يوم كامل ما حكيت إلّا لما غنّيت ومتخيلين شو بنهار لما ما احكي، كتير كنت مصممة أبدا سنة حلوة جديدة، خصوصًا صار عندي كمان بنت جديده ملاك شرّفت، وحلّت حياتنا وشقلبتنا وجنّنتنا جيهان أحمد هلال، حفيدتي الأولى من دنيتي وحياتي كلها شام.
اختتمت أصالة حديثها قائلة: وكل شيء مع بعضه حلو بالليلة وكتير أنا كنت فرحانة فيها، وطاقتها فيها حب، وفيها ود، وفيها فن، وفيها أوقات حلوة، تشرّفت بمشاركتي فيها مع نجمات كبار عزيزات غاليات وكلهن صديقات، وأن راعي هالتجمّع هيئة التّرفيه ممثّلة بالغالي الحبيب على قلب الكل أبو ناصر الله يحفظه، مرّة جديدة كلّ سنة وأنتم سالمين ونعيش سوا في عمر كتير ليالي مثل هالليلة الحلوة.
