أمينة شلباية: فيلم ليه تعيشها لوحدك مختلف عن باقي أعمال الشتاء.. وهشتغل على نفسي في التمثيل
أعربت خبيرة التجميل والموضة أمينة شلباية عن سعادتها بمشاركتها في فيلم ليه تعيشها لوحدك، بطولة الفنان خالد الصاوي والنجم شريف منير.
وقالت أمينة شلباية خلال لقائها مع القاهرة 24، في أثناء حضورها العرض الخاص لفيلم ليه تعيشها لوحدك، إن دورها في فيلم ليه تعيشها لوحدك قريب منها بشكل كبير، ولكن كان هناك بعض التعديلات في طريقة حديث الشخصية التي تجسدها وعدلتها بالاتفاق مع مخرج ومؤلف العمل.
وتابعت أمينة شلباية: كان في كلام عايزة أقوله بطريقتي، علشان يبقى سهل عليا وأنا بمثل وعلشان في كلمات معينة مبقولهاش، وفي نفس الوقت أحس إنه أنا، وهما وافقوا وقالولي قولي الكلام اللي يريحك، المهم يكون في نفس سياق المعنى.
وحول فكرة المنافسة بين الأفلام المتواجدة في دور العرض السينما، أوضحت أمينة شلباية: المنافسة حاجة جميلة بس أنا شايفة إن الفيلم دا مختلف عن باقي أفلام الشتاء، أنا مش خبيرة أوي في الحتة دي، بس من وجهة نظري كمشاهدة شايفة إن بقالنا كتير مفيش النوعية دي من الأفلام.
وحول رغبتها في استمرارها بالتمثيل، ردت أمينة شلباية: لما تقولولي إني كويسة في التمثيل هكمل، ولو كويسة لازم أشتغل على نفسي علشان أمثل.
فيلم ليه تعيشها لوحدك
فيلم ليه تعيشها لوحدك من بطولة: الفنان خالد الصاوي، وشريف منير، ويشارك فيه مجموعة كبيرة من الفنانين، أبرزهم: سلمى أبو ضيف، سوسن بدر،خالد عليش، أمينة شلباية، رؤى شانوحة، محمد رضوان، من تأليف أحمد عبد العزيز وتحت قيادة المخرج حسام الجوهري.
