التريند موضة جابت لنا الكافية.. سمسم شهاب عن فترة غيابه: مبطلعش أغسل هدومي وأخبط على الحلل |فيديو
تحدث المطرب سمسم شهاب عن سبب غيابه فترة طويلة، مشيرًا إلى أنه لا يظهر على صفحته على السوشيال ميديا إلا بهدف أن يفيد متابعيه ويناقش قضية مهمة.
وأوضح سمسم شهاب خلال لقائه مع القاهرة 24: التريند موضة جابت لينا الكافية، وأنا مش بطلع أخبط على حلل وأغسل هدومي في لايف، ولكن لما بطلع لازم أطلع أناقش قضية معينة، زي أهمية إننا نسمع بعض، ولما يجي حد يشتكي لي ويقول إنه تعبان ما أقولش ده شكاي وبيصدر طاقة سلبية، لإننا للأسف ما بقناش نسمع لبعض وقلوبنا مبقتش حنينة على بعض زي الأول، والحمد لله الناس بتتفاعل مع اللي بقدمه، ووسط التفاعل بيطلبوا أغنية فأنا هنا بقدم محتوى.
بهتم بديني كويس جدًا
وأضاف سمسم شهاب: كان سهل جدا أخبط في أي حد فاطلع تريند، لكن آسف أنا كده هنزل من نفسي وهتشتم وهتهان، والجانب الديني أو أي جانب في الإنسان بيكون نتيجة الأرض الخصبة اللي طلع فيها، وأنا الحمد لله نشأتي كانت في بيت بسيط جدًا وأب متدين ويعرف ربنا وأم تعرف ربنا، ووإحنا صغيرين كان بنروح الكتاب وطلعنا حافظين كتاب ربنا وعارفين ديننا كويس، وكانت والدتي لازم تسألنا عن الصلاة، والحمد لله رب العالمين ملم بكتير من كتاب ربنا وبالأحاديث النبوية، وأنا راجل مسلم وبهتم بديني كويس جدًا علشان أناقش الغير وعلشان أعرف أربي ولادي.
