أحمد العوضي: مترددتش لحظة لقبول الإسكندراني.. لو عملت كوميديا مع ياسمين عبد العزيز هنكسر الدنيا
تحدث الفنان أحمد العوضي، عن إمكانية تعاونه مع زوجته الفنانة ياسمين عبد العزيز، في عمل كوميدي، بجانب الكشف عن تفاصيل مشاركته في فيلم الإسكندراني.
وقال أحمد العوضي، في لقائه مع القاهرة 24: فيلم الإسكندراني من إخراج المخرج الكبير خالد يوسف، وكتابة الراحل الكبير أستاذ أسامة أنور عكاشة، فالفيلم كان فرصة كبيرة في أول فيلم سينما ليا بـ اسمي، وأول ما جاتلي الفرصة للتعاون مع أستاذ خالد يوسف مترددتش لحظة.
وتابع أحمد العوضي: بإذن الله أركز في السينما زي ما أنا بجتهد في الدراما علشان أبقى موجود وناجح في الاتنين.
وعن إمكانية تقديمه عمل كوميدي، فعلق أحمد العوضي: ممكن أقدم كوميديا ليه لأ، بس الأكشن حتي ودايمًا ببقى حريص أن أي عمل يبقى فيه أكشن، ولكن لسة مجاليش الاسكريبت اللي يخليني أغير وأعمل كوميدي، لكن عمري ما هعمل كوميدي ولكن هيكون لايت كوميدي.
كما علق أحمد العوضي على إمكانية تقديمه عمل كوميدي برفقة زوجته الفنانة ياسمين عبد العزيز، قائلًا: الكوميديا منطقة ياسمين وهي نجمة كبيرة فيها، لو عملنا فيلم مع بعض أعتقد إنه بإذن هينجح وهيكسر الدنيا.
رسالة أحمد العوضي لجمهور: أنا موجود بيكم
ووجه الفنان أحمد العوضي، رسالة لجمهوره، قائلًا: بوجه رسالة لكل إخواتي أنا بحبكم جدًا وأنا موجود بيكم وبحبكم وبدعمكم دايمًا، وإن شاء الله الإسكندراني يعجبكم.
أبطال فيلم الإسكندراني
شارك في فيلم الإسكندراني كل من الفنان أحمد العوضي، زينة، حسين فهمي، بيومي فؤاد، محمود حافظ، صلاح عبد الله، إنتصار، عصام السقا، وهو من إخراج خالد يوسف، ومن تأليف الكاتب الراحل أسامة أنور عكاشة.
