بعد وفاة زوجته.. سمسم شهاب يغني شايل الوجع لأول مرة |فيديو
غنّى المطرب سمسم شهاب أغنيته الجديدة، بعنوان شايل الوجع، لايف، لأول مرة قبل طرحها، وهي الأغنية التي يطرحها الفنان بعد وفاة زوجته التي أثرت فيه كثيرًا برحيلها.
وتقول كلمات الأغنية، كما غناها سمسم شهاب خلال لقائه مع القاهرة 24: أنا عشت مجروح من القريب قبل الغريب، والجرح عدى عليه زمن ما بقاش يطيب، تعبت جدا من اللي رخصني وباعني، أقدر أقول وبقلب جامد ماليش حبيب، أنا اللي شايل الوجع من صغر سني.. أنا اللي متابع من البشر حتى اللي مني، سابوني أعاني ولا حد فيهم فكر يعينّي، دلوقتي ناموا عليا والكل سابني، أنا اللي شايل الوجع من صغر سني، أنا اللي متابع من البشر حتى اللي مني، سابوني أعاني ولا حتى فيهم فكر يعيني، بالعكس داسوا عليا والكل سابني.
في سياق متصل، تحدث سمسم شهاب عن زوجته الراحلة، التي توفيت قبل شهرين، موجهًا رسالة لها، إذ قال باكيًا: أقول لها وحشتيني أوي والدنيا من غيرك وحشة جدًا، وكل حاجة ما بقاش ليها طعم، ولكني بعافر علشان ولادنا لإني عاوز أكون موجود في وسطيهم علشان بعد ربنا أكون سند ليهم، وباجي ليكي على طول أنا والولاد كل ما توحشينا واللي مطمني إنك في مكان كويس.
