بيطلع عقده عليهم.. الشيخ عماد الدجال بالتحقيقات: بقيت ببتز البنات بعد ما مراتي خانتني | خاص
يواصل القاهرة 24 نشر التحقيقات في اتهام شخص يدعى الشيخ عماد صاحب الـ56 سنة، الدجال والمعالج الروحاني، بالقضية 16736 لسنة 2023 والمقيدة برقم 4832 لسنة 2023، بابتزاز وتهديد المجني عليها، بعد طلبه منها إرسال صور عارية لمعالجتها وطلبه منها إقامة علاقة غير شرعية مع صديقتها وتصوير نفسها أثناء ممارستها للعلاقة، زاعما قدرته على ذلك.
ووجهت جهات التحقيق للشيخ عماد الدجال عدة إتهامات وهي ممارسة الدجل والشعوذة ومحاولة ابتزاز فتاة بصور عارية لها.
أقوال الشيخ عماد الدجال بالتحقيقات
س: ما تفصيلات إقرارك؟
ج: اللي حصل اني كنت على جروب واتساب مش فاكر اسمه دخلت طرحت سؤال علي شيخ كتب إجابة غلط
فقولتله علفكرة حضرتك مش روحاني فدخلت البنت كلمتني علي الواتساب فقالتلي انا بردو سألته علي حاجة جاوبني غلط وبعدين قالتلي انت عرفت منين ان الإجابة غلط فقولتلها انا معالج روحاني وعندي علم بالعلم الروحاني وبعدين قالتلي اديني الفيس بتاعك فبعتهولها وبعتتلي طلب صداقة.
وأضاف الدجال في أقواله بالتحقيقات: وبعدين دخلت كلمتني في مشكلتها وكلمتني في موضوع حبيبها عبد الرحمن وانها بتعمل معاه علاقات وقالتلي انها دايما بيمارس معاها فقولتلها ده جن عاشق ولازم اكشف عليكي اتصلي صوت فقرأت عليها وقولتلها حسيني بايه قالتلي حسيت بشهوة وتنميل في رجلي الشمال
اعترافات الشيخ عماد الدجال
وتابع الشيخ عماد الدجال بالتحقيقات: وقولتلها صوري عينك اليسري لقيت علامة الجن العاشق علي عنيها قالتلي العلاج ايه قولتلها العلاج (زيت زيتون ومسك اسود وملح وخل)، وهتحطي الخل والملح في الاوضه علشان الطاقة السلبية وزيت الزيتون والمسك الأسود تقرأي عليهم سورة الصافات عشان الجن يطلع.
وقال الشيخ عماد الدجال بالتحقيقات
س: ما هي ظروف نشأتك الاجتماعية؟
ج: انا والدي كان شغال كهربائي سيارات وكنا عايشين عيشه متوسطة وليا 4 صبيان وبنت واحدة.
س: وما هي حالتك الاجتماعية؟
ج: متزوج
س: وبما تمتهن؟
ج: امين مخزن بشركة مستحضرات تجميل والعطور.
س: ومتي كان زواجكما؟
ج: من 13 سنة وانا كنت متجوز قبلها وحصل انفصال.
الشيخ عماد الدجال بالتحقيقات
س: وما هي ثمرة الزجية الأولى؟
ج: أيوه 3 أطفال ولدين وبنت.
س: وما عمرهما الآن؟
ج:می 27 سنة محمد 26 سنة يوسف 23 سنة.
س: وما سبب انفصالكما؟
ج: خيانة زوجية من عند زوجتي.
س: ومتي وقع الطلاق تحديدا؟
ج: من ١٤ سنة تقريبا.
س: وأین يقطن نجليك تحديدا؟
ج: عايشين معايا.
س وما هي ثمة الزيجة الثانية؟
ج: أيوة معايا بنت 18 سنة.
س: وما اسمها تحديدا؟
ج: ملك.
س: وما هو مصادر دخلك تحديدا؟
ج: الشركة اللي انا شغال فيها بس.
س: وهل تكفي تلك المصادر لاحتياجاتك اليومية؟
ج: الحمد لله.
