ننشر أقوال السائق المتسبب في مصرع صغيرة أسفل أتوبيس مدرسة دبلوماسية
يواصل القاهرة 24 نشر أقوال السائق المتسبب في مصرع صغيرة أسفل عجلات أتوبيس مدرسة كورية بمنطقة زهراء المعادي، وأما حول الواقعة ففي صباح يوم 11 ديسمبر وخلال ذهاب الصغيرة ندا إلى المدرسة برفقة شقيقها على دراجة نارية، تفاجئا بسائق حافلة يعبر الشارع للطريق المقابل، قبل أن يصطدمان بالحافلة، ما ترتب علي تلك الواقعة مصرع ندا وإصابة شقيقها.
أقوال السائق المتسبب في مصرع صغيرة أسفل أتوبيس مدرسة دبلوماسية
وحصل القاهرة 24 على تحقيقات واقعة مصرع الصغيرة ندا أحمد، وجاءت أقوال السائق المتهم في تلك الواقعة: اسمي رجب. م. ع 67 عاما ومقيم بمنطقة المعصرة بالقاهرة، بالمعاش وأعمل حاليا سواق تابع لسفارة كوريا الجنوبية، واللي حصل إني ركبت طالبة من زهراء المعادي لإني بوصل الطلبة للمدرسة الكورية بالتجمع الأول، ووانا ماشي في طريقي عادي، فجأة سمعت صوت خبطة في العربية من ناحية الشمال، وأول ما شفت في المراية إن فيه موتوسيكل خبط فيا ىحت واخد لفة كانت موجودة على الشمال، وبعد كده وقفت ونزلت أشوفهم، والناس طلبت الإسعاف وهو ده كل اللي حصل.
وأضاف سائق الأتوبيس المتسبب في مصرع صغيرة بزهراء المعادي أقواله أمام جهات التحقيقات، الحادثة دي وقعت يوم 11/12/2023 حوالي الساعة 8 صباحا في طريق بيتشو، عند مدرسة مش فاكر اسمها، بزهراء المعادي، واللي كان كان معايا وقتها المدير بتاعي ومدرسة والطلبة، والأتوبيس هونداي تابع لسفارة كوريا الجنوبية، تصريح تسيير هيئة دبلوماسية منفذ جمارك القاهرة، والسفارة مخصصاه للمدرسة الكورية بالتجمع الأول.
وأردف سائق الأتوبيس المتسبب في مصرع صغيرة بزهراء المعادي أقواله أمام جهات التحقيقات: معرفش ايه اللي حصل بالظبط، بس وانا ماشي في طريقي عادي سمعت صوت خبطة ناحية الشمال، ولما بصيت في مرايتي لقيت موتوسيكل وناس واقعة على الأرض، والرؤية كانت واضحة، وكمان الطريق إسفلتي ممهد، أنا كنت طالع من بيتشو، وبعد كده كنت هأخد طريق القطامية، وكنت ماشي على سرعة حوالي 20 أو 30 كم، ومحصلش وقتها أي إصابة لأي حد راكب معايا، أو حتي أنا.
